web counter
LEXO PA REKLAMA!

SHKARKO APP

App Store
Google Play

E fundit!

x

Bëmat dhe skandalet e Sandër Lleshajt/ Si e sfidonte SPAK-un për tenderin korruptiv të uniformave

12 Korrik 2021, 08:21, Politikë CNA

Prokuroria e Posaçme Anti-Korrupsion, ka ekzekutuar mëngjesin e të shtunës 9 urdhër-arreste zyrtarë dhe ish-zyrtarë të Ministrisë së Brendshme.

Zyrtarët e arrestuar janë të akuzuar nga SPAK se kanë shkelur barazinë në tenderin e zhvilluar një vit më parë për blerjen e uniformave të Policisë së Shtetit, me vlerë 280 milionë lekë të reja, ose 2.8 miliardë lekë.

Tenderi u zhvillua gjatë kohës kur ministër i Brendshëm ishte Sandër Lleshaj. Por ky i fundit, një ditë më parë u justifikua se nuk kishte lidhje me tenderin në fjalë.

?Si Ministër i Brendshëm nuk kam pasur as ndonjë shtysë personale dhe mbi të gjitha as autoritet ligjor për t?u përfshirë në asnjë procedure konkrete prokurimi. Sistemi i prokurimit në Shqipëri ka autoritetet e veta të administrimit, të menaxhimit, të kontrollit dhe të ankimimit, ku ministri nuk ka rol?, ka thënë dje Lleshaj, duke mohuar kështu në mënyrë kategorike, lidhjen e tij me këtë tender korruptiv.

Me këtë deklaratë Lleshaj doli dhe gënjeu shqiptarët. Pasi ai ka pasur njohuri për tenderin korruptiv që në kohën kur është debatuar në Kuvend dhe kur është përplasur më deputetin Myslim Murrizi, por edhe më herët.

Lleshaj sfidoi Prokurorinë

Në Korrik të vitit të kaluar, pra një vit më parë Lleshaj nga foltorja e Kuvendit, sfidoi Prokurorinë, dhe dyshohet se i dërgoi mesazhe të koduara, që të rrinte larg kësaj çështje.

Nuk ia mori mendja që pas një viti emri i tij do të largohej si person i lidhur më ketë tënder korruptiv dhe që duhet të japë llogari para drejtësisë.

?Unë po ju them diçka, fare të thjesht, të gjitha ato gjëra që ju cituat këtu, nuk i komentoj për arsye se nuk i di, sepse unë nuk merrem me asnjë shifër, me asnjë tender, me asnjë firmë, me asnjë sozi, me asnjë gjë me të cilat ju merreni dhe është zgjedhja juaj që të merreni me këto gjëra. Por do t?ju ftoja fare thjesht, mos i bëni ftesë Prokurorisë, ftesë publike, retorike, politike, por në qoftë se nuk e dini, jua tregoj unë adresën e Prokurorisë. Shkoni trokisni atje, ?ojini ato gjëra që keni. Trokisni tek dera e Prokurorisë dhe lërini ata ta bëjnë prokurorin mos e bëni ju, se kam frikë se mos gaboni?, shprehej Lleshaj në seancën plenare të datës  29 07.2020.

Pra, një vit më parë, denoncimin për tenderin korruptiv me uniformat e Policisë e quajti retorikë politike dhe përmendte Prokurorinë, me besimin se ajo s?do të merrej me këtë çështje.

Ndërsa, një ditë më parë, ai ka lënë mënjanë sfidimin ndaj Prokurorisë, duke deklaruar se ishte ai që e ftoi, por në fakt padia në SPAK, për këtë skandal u bë nga deputeti Myslim Murrizi.

Në emër të MB, Lleshaj kërkonte, 1 milion lekë

Lleshaj ka pasur informacione për këtë skandal, para se të debatonte me Murrizin në Kuvend.

Pasi, tenderi korruptiv me uniformat blu, fillimisht është denoncuar nga Partia Demokratike, me 1 Gusht 2019.

Nën nëntor 2011, Ministria e Brendshme e drejtuar nga Sandër Lleshaj, e përfaqësuar nga mbrojtësi ligjor, Plarent Ndreca.

Ministria e Brendshme kërkonte shpërblim me shumën 1 milionë Lekë nga PD, për shkak të deklaratës me titull: Tenderi prej 30 milionë lekësh i Ministrisë së Brendshme për uniformat e policisë, aferë korruptive, favorizohet klienti i qeverisë?.

Gjithashtu MB, kërkonte që PD të përgënjeshtronte në të gjitha mediat deklaratën publike, që sipas tyre është shpifje dhe të paguajnë shpenzimet gjyqësore të këtij gjykimi.

Pavarësisht këtyre fakteve, Lleshaj del e gënjen, tashmë jo nga pozicioni i Ministrit por si ish-Ministër.

Bëmat e Lleshajt

Kujtojmë se për aq kohë sa qëndroi në krye të MB, Lleshaj u shoqërua nga skandale. Ai u lakua për pasurinë dhe konkretisht për një vilë në Gjirin e Lalzit, që u denoncua nga CNA.al.

Bëhet fjalë për një apartament duplex me sipërfaqe 120 m2, në një godinë me dy kate me sipërfaqe totale 480 m2.

CNA.al  ka verifikuar të  gjitha deklaratat e pasurisë së Ministrit të Brendshëm,nga viti 2006 dhe deri në 2017, mirëpo një pasuri e tillë nuk gjendet e deklaruar.(Lexo këtu)

 

Një tjetër bëmë për të cilën është lakuar Lleshaj, ka lidhje me blerjen e një makine prej 100 milion lekësh.

Edhe ky skandal është denoncuar nga CNA.al.

Gati 100 milionë lekë rezultuan se janë dhënë nga Policia e Shtetit për të blerë një mjet për oficerin e Kontaktit në Berlin. Por, i njëjti automjet ka përfunduar tek Sandër Lleshaj.

Automjeti është targuar me targa gjermane për të qëndruar dhe vazhduar të jetë në shërbim të oficerit të Kontaktit në Berlin. Por, nuk ka ndodhur kështu, pasi pak ditë më vonë mjetit i janë hequr targat gjermane dhe i janë vendosur targat shqiptare siç tregohet edhe nga fotot e siguruara dhe publikuara më herët nga CNA.al

Mjeti është targuar me targën AA 967 UT. Megjithëse është blerë me letra për një Oficer Kontakti jashtë Shqipërisë, pra për të qëndruar në Gjermani, është çregjistruar dhe është targuar në Shqipëri.
Mjeti nuk është blerë me qëllim që të jetë në shërbim të Oficerit të Kontaktit pasi vlera e tij është shumë e madhe dhe të tilla mjete nuk kanë as ministrat në Shqipëri e jo më të ketë një Oficer Kontakti në ambasadë. (Lexo këtu)./CNA.al

Makina 100 milionëshe e Sandër Lleshajt/ Thellohet skandali për blerjen e mjetit nga policia

Ekskluzive-Sandër Lleshaj dhe Ardi Veliu kapen në mega-skandal/ Si u ?përvetësua? makina 100 milionëshe

Foto+Video/ Zbulohet vila e ministrit të Ramës në Gjirin e Lalzit

Ministri i Brendshëm përfshihet në skandal/ Fshehu një vilë në Gjirin e Lalzit?





Lajmet e fundit nga