web counter
LEXO PA REKLAMA!

SHKARKO APP

App Store
Google Play

Fluksi i automjeteve drejt bregdetit/ Policia ndëshkon 256 shoferë “të pabindur”

6 Qershor 2021, 17:50, Kronika CNA

Policia Rrugore ka shtuar forcat në akset rrugore dhe në hyrje të Tiranës, Elbasanit, Durrësit dhe në rrugën e Kombit për shkak të rritjes së fluksit të automjeteve nga zonat bregdetare dhe turistike drejt Tiranës dhe Morinës.

Që prej orës 16:00 janë evidentuar dhe ndëshkuar me masë administrative 256 drejtues mjetesh që kryenin parakalime të gabuara apo sjellje agresive në rrugë.

Nga monitorimi me radar e dragera, Policia Rrugore në të gjithë vendin gjatë orëve të mbasdites së sotme ka pezulluar 31 leje drejtimi për shpejtësi tej normave të lejuara dhe 12 leje drejtimi për drejtim mjeti nën efektin e alkoolit.

Nga shërbimet e Policisë Rrugore të Tiranës është vënë në pranga shtetasi B.B, 55 vjeç, pasi drejtonte nje mjet taxi 8+1 në gjendje të dehur në masën 0.94 mg/l.

Ndërkohë, Policia Rrugore apelon për të gjithë drejtuesit e mjeteve që të tregojnë kujdes të shtuar dhe të ruajnë largësinë e sigurisë ndërmjet mjeteve për shkak të trafikut të rënduar.

?Kujdes me parakalimet e gabuara, kufizoni shpejtësinë e lëvizjes sipas sinjalizimit rrugor, mos drejtoni mjetet pas përdorimit të pijeve alkoolike, pasi shërbimet e policisë rrugore janë duke monitoruar sjelljen tuaj në rrugë?, thuhet ndër të tjera në njoftim./ CNA.al





Lajmet e fundit nga