web counter
LEXO PA REKLAMA!

SHKARKO APP

App Store
Google Play

Ndalimi i kalimit drejt Greqisë/ Cila është fasha orare kur mund të kalojnë punëtorët sezonalë

31 Maj 2021, 14:58, Aktualitet CNA

Autoritetet greke njoftuan dje se kanë shtyrë sërish hapjen e pikës kufitare të Kapshticës deri më datë 7 Qershor.

Ndërkaq, Drejtoria Vendore e Kufirit dhe Migracionit Korçë ka me dije se në drejtim të Greqisë do të lejohet vetëm  hyrja e shtetasve shqiptarë me statusin e punëtorit sezonalë gjatë intervalit kohor nga ora 08:00-16:00.

Kuota e kalimit për kategori do të vijojë të jetë 400 persona, ndërkohë që asjë shtetas tjetër nuk do të lejohet të hyjë drejt Greqisë.

Drejtoria Vendore e Kufirit dhe Migracionit Korçë.

Stacioni i Policisë Kufitare Kapshticë:

Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare se regjimi i hyrje-daljeve të shtetasve, nuk do të ndryshojë deri në datën 07.06.2021.

Në drejtim të Greqisë do të lejohet hyrja e shtetasve shqiptarë, me statusin e punëtorit sezonal përgjatë intervalit kohor nga ora 08:00-16:00. Këta shtetas do t’i nënshtrohen një testi të shpejtë COVID-19, pranë palës greke të kësaj pike kalimi.

Kuota ditore e pranimit vijon të jetë 400 persona, të cilët duhet të plotësojnë formularin e regjistrimit PLF në adresën http://www.travel.gov.gr dhe pasi të kenë marrë konfirmimin, mund të lejohen që të hyjnë në tokën greke.

Asnjë kategori tjetër nuk do të lejohet të hyjë drejt Greqisë (shërbim taxi, mjete të tonazhit të rëndë apo shtetas me leje qendrimi, shtetas grekë apo europianë të tjerë).

Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.

Duke ju falenderuar për mirëkuptimin.

 

 

 





Lajmet e fundit nga