web counter
LEXO PA REKLAMA!

SHKARKO APP

App Store
Google Play

E fundit!

x

Policia përgënjeshtron lajmin/ Nuk ka pasur të shtëna në Borsh, si qëndron e vërteta

28 Maj 2021, 20:49, Politikë CNA

Policia ka përgënjeshtruar lajmin e të shtënave me armë në Borsh të Sarandës.

Blutë bëjnë të ditur se në Borsh nuk ka pasur të shtëna, por një person ka mbetur i plagosur si pasojë e humbjes së ekuilibrit.

Sipas tyre, 34-vjeçari me iniciale S.G është rrëzuar mbi xhamin e një lokali në Borsh, duke marrë dëmtime të lehta. Tashmë ai ndodhet në spitalin e Sarandës dhe fatmirësisht është jashtë rrezikut për jetën.

?Në lidhje me një lajm të publikuar në disa media e rrjete sociale, për të shtëna me armë zjarri në Borsh dhe për pasojë është plagosur një shtetas, sqarojmë opinion publik se lajmi është i pavërtetë.

Shërbimet e Komisariatit të Policisë Himarë, menjëherë kanë kryer të gjitha verifikimet.

Nga veprimet e para hetimore ka rezultuar se shtetasi S. G., 34 vjeç, banues në Sarandë, dyshohet se si pasojë e humbjes së ekuilibrit, është rrëzuar mbi xhamin e një lokali në Borsh, duke marrë dëmtime të lehta, i cili ndodhet në spitalin e Sarandës jashtë rrezikut për jetën.

DVP Vlorë kërkon mirëkuptimin e medias që të mos publikojë lajme të pakonfirmuara dhe fton qytetarët që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke u garantuar anonimatin të sigurt dhe reagim të shpejtë e të paanshëm të Policisë, kundrejt atyre që shkelin ligjin dhe cenojnë jetën dhe pronën e qytetarëve?, raporton policia./ CNA.al

Të shtëna me armë në Borsh/ Dyshohet për të plagosur





Lajmet e fundit nga