web counter
LEXO PA REKLAMA!

SHKARKO APP

App Store
Google Play

Vrasja e Pjerin Xhuvanit/ Lamallari: Njollosi procesin zgjedhor

15 Maj 2021, 17:13, Politikë CNA

Zëvendës ministri i Brendshëm Besford Lamallari ka folur rreth vrasjes së Pjerin  Xhuvanit në Elbasan dhe sipas tij, kjo ngjarje njollosi procesin zgjedhor.

Ai në një intervistë për News 24 u shpreh se politika ka ndërhyrë gjithmonë në procesin zgjedhor dhe thekson se në këto zgjedhje ka patur nxitje dhune dhe sipas tij, njerëzit janë përdorur si ‘mish për top’. Lamallari shton se Elbasani ka një kriminalitet normal prej 7 %.

 ?Për një muaj isha në postin e titullarit në Ministrinë e Brendshme. Detyrën e mora në kohë zgjedhjesh dhe MB është akuzuar në tërësi se përfshihet në zgjedhje, por garantoj se strukturat tona nuk kanë përfshirje të asnjë lloji. Subjektet politike vazhdojnë me akuzat, edhe pse Policia e Shtetit vlerësohet edhe nga organizmat ndërkombëtarë. Çdokush që ka diçka ndaj policisë, mund të shkojë në SHÇBA ose në Prokurori.

Ngjarja ishte kriminale në Elbasan, që për fat të keq njollosi procesin zgjedhor. Ishte reminishencë e së shkuarës, ku politika përherë ka ndërhyrë në procese zgjedhore. Ka pasur nxitje dhune, apo përdorimi i njerëzve si mish për top ose krijimi i strukturave që nuk janë normale për Shqipërinë e 2021. Elbasani ka një kriminalitet normal, diku tek 7 përqind?, tha Llamallari./CNA.al





Lajmet e fundit nga