web counter
LEXO PA REKLAMA!

SHKARKO APP

App Store
Google Play

E fundit!

x

Ankimimet e PD-LSI për qarkun e Beratit/ KAS vendos të marrë prova shtesë

15 Maj 2021, 08:21, Politikë CNA

Komisioni i Ankimimeve dhe Sanksioneve ka vendosur të marrë prova shtesë për parregullsitë e zgjedhjeve në Berat, nisur nga ankimet e PD dhe LSI.

KAS vendosi të hapë materialet zgjedhore në kuti dhe procesverbalet PEI të pajisjet e identifikimit biometrik.

Anëtari i KAS Elvis Cefa deklaroi  se sot do të merren në shqyrtim pjesërisht disa nga materialet e dorëzuara nga LSI, pra 24 qendra votimi në këtë qark.

?Ngarkohet administrata e KQZ-së për të marrë të gjitha masat për transportin dhe hapjen e kutive të sipërpërmendura për administrim e provave të sipërcituara. KAS me shumicë votash vendosi mospranimin e kërkesës së PD-AN për marrjen e provave dhe informacioneve shtesë të cituara në kërkesën ankimore.

Me kërkesë timen dhe Ledio Brahos, dy anëtarëve të KAS, vendosëm të administrojmë si provë të dhënat e kryqëzuara së pajisjes së identifikimit të zgjedhësve të zonës zgjedhore qarkut Berat për të bërë të mundur evidentimin e votimeve të dyfishta ose familjare sipas pretendimit të bërë nga PD-AN?, tha anëtari i KAS Elvis Çefa.

KAS shtyu vendimin për ankimin e PD dhe LSI për Beratin, deri në shqyrtimin e provave. Seanca e radhës së KAS do të mbahet të hënën./CNA.al





Lajmet e fundit nga