web counter
LEXO PA REKLAMA!

SHKARKO APP

App Store
Google Play

E fundit!

x

"Zgjerimi i BE në Ballkan"/ Pahor: Ndryshimi i kufijve nuk bëhet pa flijime

6 Maj 2021, 13:16, Aktualitet CNA

Presidenti i Sllovenisë Borut Pahor zhvilloi ditën e sotme konferencë me presidentin Ilir Meta për samitin e Brdo-Brijunit teksa tha se zgjerimi i BE në Ballkan i shërben paqes dhe stabilitetit.

Sa i përket kufijve, një çështje e shumë diskutuar së fundmi për shkak të ?non paper?-it, Presidenti i Sllovenisë tha se në BE kufijtë mes shteteve bëhen më pak të rëndësishëm.

?Në BRDO në Slloveni do të takohemi udhëheqësit e nismës që tani e 10 vjet tenton me të gjitha fuqitë e veta të nxisë reformat në vendet e Ballkanit Perëndimor për praninim sa më parë në BE por dhe BE të mbesë aktiv dhe dinamik. Takimi i 17 majit do të jetë takim që e kanë vërtetuar prezencën të gjithë udhëheqësit. Do jetë më i rëndësishmi i 10 viteve të fundit, veçanërisht për shkak të ngecjes së integrimit të vendeve të Ballkanit Perëndimor.

Udhëheqësit e kësaj nisme janë të aftë që në mes të majit të japin përvojën personale, konsensusin, një dinamikë të re. Zgjerimi i BE në Ballkan i shërben paqes dhe stabilitetit. Në anëtarësinë e BE, kufijtë mes shteteve bëhen më pak të rëndësishëm dhe nuk ka nevojë për ndryshimin e tyre. Nga përvoja dimë që ndryshimi i kufijve në këtë pjesë të Evropës nuk bëhet pa flijime?, deklaroi Pahor./ CNA.al





Lajmet e fundit nga