I përlotur, Pirro Çako zbulon historinë prekëse që fshihet pas këngës së Elvana Gjatës

2 Maj 2021, 06:58, Lifestyle CNA

Këngëtarja Elvana Gjata dhe Pirro Çako kanë zbuluar se si ka nisur bashkëpunimi i tyre për albumin virtual të këngëtares.

Ndër të tjera, Pirro zbuloi se një nga këngët e albumit “Çelu”, ka një peshë shumë të madhe emocionale për të pasi ka një histori 30 vjeçare.

I përlotur dhe shumë i emocionuar, Pirro zbuloi se kënga Vendi im është një këngë kushtuar babait të tij.

?Kjo këngë ka një histori 30-vjeçare. Notat e para, strofën e parë e kam hedhur para shumë vitesh, kur nuk jetoja në Shqipëri, por jetoja në Paris dhe në ato momente jetoja afër aeroportit. Ajo ishte periudha që mua më preku shumë. I shihja avionët teksa uleshin dhe ngriheshin kaq lehtë dhe unë nuk e kisha këtë mundësi që të takoja prindërit.

Më merrte malli, sigurisht edhe për miqtë dhe të afërmit. Këtu nisi. Pas shumë vitesh kur unë humba babain, fillova të mendoja që t?i dedikoja diçka. Kisha shumë dëshirë. Këto 3 vite jam munduar shumë që të gjeja diçka, që unë të ndihem krenar për atë dedikim. Me thënë të drejtën nuk e kam gjetur dot akoma dhe shpresoj që ta gjej një ditë.

Kjo këngë (?Vendi im?) brenda ka dhe një pjesë për atë, sepse sa herë që unë e pyesja, sidomos pas viteve ?90 kur gjërat ndryshuan dhe ai ishte një artist që sapo kishte dalë në pension, të vjen keq që qëlloi të jetosh këtu, por ai më thoshte që jo, jam krenar që jam artist i këtij vendi. Më mbeti kjo gjë në kokë. Kjo ishte një nga arsyet që më shtyu që unë të kthehesha në Shqipëri, sepse kisha nevojë që të kisha kontakt me të dhe t?i jepja një shtysë karrierës time që ai të ndihej krenar që kishte një vazhdues. Kjo këngë (?Vendi im?) i dedikohet edhe atij, sepse unë e rikompozova.

Mora atë strofë që ishte shkruar vite më parë dhe i dedikohej prindërve, malli për vendin tim. Në këtë moment e dëgjon Elvana. Ky është momenti që i them që kam shkruar diçka për babain tim në vazhdën e albumit, pa patur lidhje fare. Kjo e dëgjon këngën dhe thotë sa e bukur që është. Me kalimin e kohës zbulova që Elvana kishte dëshirë që ishte pjesë e kësaj kënge. Dhe më hodhi idenë që kishte ndërmend të bënte diçka me motrën, sepse e ajo kishte një histori të ngjashme?, është shprehur Pirro Çako.

Elvana ka treguar se që në momentin e parë që ka dëgjuar këngën është rrëqethur, por nuk guxonte, t?i kërkonte Pirros që kjo të ishte kënga e saj.

?Mund të them që është edhe e preferuara ime në fakt, se kam një dobësi shumë të madhe për këtë këngë. Thjesht kam qarë, jam rrënqethur. Në fakt unë as guxoja që t?ia thoja Pirros që do doja unë ta kisha këtë këngë, por e kuptoi Pirro vetë?, tha Elvana Gjata./ CNA.al