web counter
LEXO PA REKLAMA!

SHKARKO APP

App Store
Google Play

Dështon me sukses shpk e Ilir Metës/ Rezultatet që konfirmojnë fundosjen e LSI-së

26 Prill 2021, 08:47, Politikë CNA

Lëvizja Socialiste për Integrim e cilësuar si shpk e Ilir Metës, por që kryetare shfaqet Monika Kryemadhi, ka dështuar me sukses në këro zgjedhje.

Konfirmimi vjen nga rezultatet paraprake zgjedhore në të gjitha qarqet e vendit, ndërsa janë numëruar 1 789 kuti votimi.

Në të gjitha qarqet pa dallim LSI shfaqet e fundosur. Kutitë e votimit kanë nxjerrë zbuluar dështimin  e kësaj force politike në këto zgjedhje.

Pavarësisht rebelimit të Presidentit Ilir Meta, LSI, nuk mundi të ngrinte krye nga hendeku ku ka rënë.

Kështu, sipas të dhënave të KQZ, në Qarkun e Shkodrës, LSI ka marrë 9,8% të votave, në Qarkun e Lezhës ka marrë 8.2 %, në Qarkun e Dibrës 7.7 %, në Qarkun Durrës, 6.2 %, në Qarkun e Tiranës 6.3 % në Qarkun e Elbasanit 5.1%, në Qarkun e Fierit 6.7%, në Qarkun e Beratit 13.1 %, në Qarkun e Korçës 7.9 %, në Qarkun e Vlorës 6.6 % dhe në Qarkun e Gjirokastrës 13.6 %.

Në rang vendi LSI ka arritur të marrë 7.1% të votave.

Këto janë shifrat e deritanishme të publikuara nga KQZ, që tregojnë rrëzimin dhe copëtimin e LSI-së.

Në fakt, para dhe gjatë fushatës elektorale, LSI, u zmbraps nga anëtarësia e saj. Një pjesë e madhe kaluan në Partinë Socialiste, gjë që ka ndikuar, siç duket edhe në rezultat.

Fakt është se LSI është një parti e falimentuar tashmë,  pavarësisht se sa deputetë mund të marrë vetë apo duke i varur shpresa tek koalicioni me PD, edhe pse kjo e fundit është në pikë të hallit për vete./CNA.al





Lajmet e fundit nga