web counter
LEXO PA REKLAMA!

SHKARKO APP

App Store
Google Play

E fundit!

x

Sherret dhe debatet në PD-në e Korçës/ Basha dërgon Sahit Dollapin, ja porositë që u jep

15 Prill 2021, 16:25, Politikë CNA

Sherret e vazhdueshme në Korçë brenda strukturave të Partisë Demokratike kanë bërë që kreu i kësaj partie Lulzim Basha të dëgojë sekretarin organizativ Sahit Dollapin.

Konfliktet kanë qenë të përsëritur dhe një ?luftë? e vazhdueshme mes kandidatit Ervin Salianji kundër Andrea Manos dhe Edmond Spahos.

Pas një konflikti dy ditë më parë deri në rrahje fizike, ka bërë që Dollapi të zbarkojë ditën e djeshme në qytetin juglindor.

Burime për CNA.al bënë  me dije se Dollapi është shprehur se shkon atje me porosi të kreut të PD Lulzim Basha dhe ka qenë i prerë në direktivat që u ka dhënë. Ai u ka thënë se kush ka premtuar që do t?iu bëjë drejtorë dhe shefa ta harrojnë, ku shtoi se duhet të mbajnë karrigen e tyre dhe të mos shohin ëndrra.

Sekretari organizativ u ka thënë strukturave se po u flet me tone të ulta dhe se s?ka më votë për numrat personale.

Sipas tij, ata që kanë premtuar dhe ata që kanë besuar nuk do marrin asnjë gjë, duke i paralajmëruar se sherret e konfliktet kush i ka nxitur do mbajë përgjegjësi.

Mësohet se dy netë më parë ka pasur një përplasje të fortë sërish në degën e PD Korçë, ku Ervin Salianji ka izoluar kandidatët e tjerë duke rrëmbyer zonat ku PD ka më shumë mbështetje, duke tentuar të dalë i pari në qark për të djegur Edmond Spahon.

Por një betejë të ashpër ka bërë edhe me Andrea Manon, kreun lokal që kërkon të thyejë listën.

Debatet kanë shkuar në përplasje fizike dhe sherre të përditshme që kanë bërë që Lulzim Basha të çojë sekretarin organizativ direkt në degën problematike të Korçës.





Lajmet e fundit nga