Basha zbulon bisedën/ Çfarë i tha Berisha për tunelin Tiranë-Elbasan

15 Prill 2021, 20:22, Politikë CNA

Kryetari i Partisë Demokratike, Lulzim Basha ka treguar se si erdhi vendimi për ndërtimin e tunelit Tiranë-Elbasan, që sipas tij shtë propozuar nga banorët e Elbasanit.

Basha tregoi se bisedën me ish-kryeministrin Sali Berisha, pasi kishin përfunduar tunelin e Kalimashit, ku i kishte propozuar ndërtimin e këtij tuneli.

Në timon, rrugës në për Elbasan gjatë intervistës me gazetarin Endri Xhafo, Lulzim Basha tregoi edhe bisedat me ish-kryeministrin Berisha kur diskutohej ndërtimi i kësaj vepre madhore.

?Si deputet i Elbasanit ishte kërkesë e banorëve që të bënim gjithçka për autostradën Tiranë-Elbasan, ndërkohë që ishte projektuar një rrugë tjetër Baldushk-Papër. Dhe vjen një moment, e diskutojmë, unë isha përfaqësues i Elbasanit dhe kryeministri Berisha më thotë sapo kemi mbaruar tunelin e Kalimashit duhet të rishikojmë se ky opsioni tjetër mund të jetë më i përballueshëm dhe mbrapa qëndronte si gjithmonë leva e frenave, që është ministri i Financave. I thashë ne i kemi të gjitha mundësitë ta bëjmë atë tjetrin, por kjo do të na ndihmojë shumë më shumë në kuptimin ekonomik, është pjesë e ?korridorit 8?, u shpreh ai.

Kreu i opozitës deklaroi për emisionin ?Log? të Endri Xhafos se i është dashur një lobim 1-vjeçar në Emiratet e Bashkuara për të marrë një kredi të butë për ndërtimin e këtij tuneli.

?Duke shfrytëzuar lidhjet si ministër i Jashtëm, që kisha me ministrin e Jashtëm të Emirateve të Bashkuara që është akoma në detyrë, i kërkova ndihmë. Ndodhi që gjatë fushatës kërkoi të vinte për një vizitë dypalëshe dhe i thashë, ?dakord por unë jam në fushatë, vetëm nëse vjen në Elbasan?. Erdhi në Elbasan dhe i tregova edhe rrugën e vjetër dhe pastaj u nisëm, se nuk kishte kohë, me helikopter për takimet e tjera zyrtare në Tiranë dhe e pa sa afër, ishin dy qytete por i pengonte masivi malor i Krrabës.

Pata një lobim një vjeçar që në fund fare rezultoi në një kredi shumë të butë. Abu Dhabi në këtë rast ka ndihmuar për këtë vepër për kredinë që morëm për Lumin e Tiranës dhe Bulevardin e ri, është një vepër e projektuar me konkurs ndërkombëtar. Me këtë projekt ju drejtova Fondit të Abu Dhabit që me të vërtetë jep kredi të buta dhe arritëm të financonim Bulevardin e ri të Tiranës dhe lumin e Tiranës?, theksoi Basha./ CNA.al