Sokol Olldashi dhe një përgjigje për horrat e Metës dhe LSI

22 Mars 2021, 10:25, Politikë CNA

Të kompleksuar, të pështirë deri në neveri, horrat e Ilir Metës dhe LSI, kohët e fundit kanë filluar sulme dhe akuza ndaj ish ministrit, ish kreut të FRPD, i ndjeri Sokol Olldashi .

Të kompleksuar për shkak të faktit se Olldashi ngeli një nga kundërshtarët e tyre më të mëdhenj dhe ishte njeriu që kërkonte arrestimin e Ilir Metës në dhjetor të 2010 te Sali Berisha. Të pështirë dhe të neveritshëm sepse komentojnë njeriun që prej 7 vitesh është larguar nga jeta dhe ende i bën hije kësaj opozite të frustruar dhe të paaftë ku përgjegjësia kryesore përtej Bashës shkon tek Ilir Meta, tek LSI dhe tek dështimet e tyre të pandalshme.

Dritan Kaba një nga më të pështirët e Ilir Metës në qarkullim, një nga lëpirësit e paepur të presidentit dhe Kryemadhit duke komentuar Sokol Olldashin thekson nëse ka humbës më të madh në Fier në 2013, është pikërisht Sokol Olldashi.

Në fakt, Dritan Kaba duhet të na tregojë se me kë garonte LSI dhe Meta i tij në 2013. A nuk ishin ata që e sollën Edi Ramën në pushtet? A nuk ishin ata që bënë pazarin bashkë më Edi Ramën pas vrasjes së katër të pafajshmëve në bulevardin ?Dëshmorët e Kombit?? Në Fier PD, e ka pasur të vështirë betejën për shkak se njihet si një qark i madh, por Sokol Olldashi që komenton Dritan Kaba ka mundur të regjistrojë rezultatin maksimal të votave.

Në vitin 2013 me gati 66 mijë vota, ndërkohë në vitin 2017 sipas të dhënave zyrtare nga KQZ, partia e Lulzim Bashës nuk ka mundur të shkojë bashkë me aleatët 46 mije e 800 vota. Janë jo pak , por 20 mijë vota më pak, pra humbësi më i madh në Fier e ka emrin Lulzim Basha, pas tij vjen Enkelejd Alibeaj, Genc Pollo, Luçiano Boçi e CO. Këta janë humbësit më të mëdhenj në Fier. Sa për humbësit në 2013, PD doli në opozitë me një rezultat prej 680 mijë votash në rang kombëtar që Luli i përktheu në 450 mijë vota në 2017. Ka edhe më keq se 2017 dhe ky do të jetë 2021. Jo për PD, por për LSI dhe horrat e saj të cilët duhet të presin edhe disa javë për të mësuar si do të zbythet Ilir Meta dhe çeta e tij e hajdutëve.

Më tej, Dritan Kaba në një postim të tijin shkruan se Olldashi paska qenë një shërbëtor i Mero Bazes. Në fakt Olldashi dhe Mero Baze janë gazetarë që kanë punuar shumë dekada bashkë dhe në qoftëse ka shërbëtorë të Mero Bazes është Ilir Meta i cili bënte gjithçka që të kishte mediat nën kontroll, përfshi këtu dhe Meron që e masakronte në vitet 2000.

Më pas në 2010 ishte ai që shpallte Metën me editorial, hajdut, e më pas ishte mbështetësi më i flaktë i koalicionit me socialistët, mbështetës i Ilirit kur plasi skandali me Tom Doshin e tani kundërshtari i tij.

Në fakt në analizën e fakteve nuk ka rëndësi kush është dhe sa vlen Mero Baze, por si i shërbeu Edi Ramës dhe ky e ka emrin Ilir Meta. Dritan Kaba e Co, e horrva dhe hajdutëve të LSI. Sokol Olldashi në vitin 1997 ishte me PD kundër socialistëve ku shërbente Kaba dhe horrat e Ilir Metës.

Në 2001, Sokoll Olldashi ishte kundër socialistëve dhe horrave të Metës. Në 2005 ishte kundër socialistëve dhe horrave të Metës, në vitin 2009 ishte kundër socialisteve dhe horrave të LSI dhe Ilir Metës. Në vitin 2013, ishte kundër aleancës Rama-Meta ku përfshihen socialistë dhe LSI e horrave të Ilir Metës. Sa për fjalën dhe kush është i kapuri dhe kush është i lëshuari nuk vlen përgjigjia, për dy të tjerat.

Horrat e LSI bëjnë mirë të lexojnë shifrat megjithëse në fakt ata duan shuma parash dhe jo statistika elektorale. Sa vlen personalisht vetë Dritan Kaba, ndoshta po e teprojmë se po i bëjmë reklamë duke i thënë vlen më pak se një nga banjot që Ilir Meta i mban për macet e tij.

Edhe pak javë dhe të gjithë do të kuptojnë atë që tashmë është fakt, zgjedhjet nuk i fiton Rama, por do t?i humbasë Lulzim Basha për shkak të LSI, Monës dhe Ilir Metës./CNA.al