web counter
LEXO PA REKLAMA!

SHKARKO APP

App Store
Google Play

Thirrjet e Kim për dekriminalizimin/ Balla: Lista e PS është e pastër

12 Mars 2021, 11:23, Politikë CNA

Ambasadorja e Shteteve të Bashkuara të Amerikës Yuri Kim ka paralajmëruar skualifikimin e tre emrave nga gara e 25 prillit, pasi sipas saj i kap ligji i dekriminalizimit.

Kim i bëri këto deklarata nga Elbasani, ku takoi Taulant Ballën, Gazmend Bardhin, Monika Kryemadhin dhe Rudina Hajdarin.

Për numrin dy të Partisë Socialiste Taulant Balla, këto thirrje nuk janë për forcën politike që ai përfaqëson.

Në lidhje me deklaratën për mundësinë e skualifikimit të disa kandidatëve, Balla shprehet se lista e kandidatëve për deputetët e PS-së për qarkun e Elbasanit është definitive nga ana matematikore.

Ndërsa sa i takon shqetësimit tjetër të ambasadores për shitblerje të votave dhe synimit të socialistëve për të marrë 8 deputetë në qarkun e Elbasanit, të cilët nuk i kanë marrë as në ditët më të mira të PS-së, i rendituri i tetë i listës në këtë qark, jep këtë përgjigje.

?Kushdo që shet votën bën gabim të madh, sepse heq dorë nga vendimmarrja e tij. Unë nuk e di kush janë ditët për ju, dita më e mirë për Partinë Socialiste do të jetë 25 prilli, kjo është e sigurt?, shprehet Balla./CNA.al





Lajmet e fundit nga