web counter
LEXO PA REKLAMA!

SHKARKO APP

App Store
Google Play

Mbërrijnë në Rinas 7020 dozat e tjera të vaksinës Pfizer

15 Shkurt 2021, 18:47, Politikë CNA

Kanë mbërritur mbrëmjen e sotme në Shqipëri dozat e tjera të vaksinës Pfizer.

Bëhet fjalë për 7020 doza të tjera të vaksinës Pfizer, pasi fillimisht erdhën 1170 doza.

Në konferencën për mediat nga Rinasi, Rama tha se vaksinimi do fillojë në Vlorë dhe Shkodër.

‘Fillimisht erdhën 1170 doza, sot 7020 doza dhe sipas skedulit të ri të dhënë nga kompania pas bllokimit në gjithë Europën do vijojmë në javët në vijim për të përmbyllur brenda marsit të gjitha ato doza të premtuara e për të vazhduar në prill e maj.

E rëndësishme të shpjegohet për qytetarët që e presin me padurim vaksinën, është se ndërkohë jemi në komunikim për të arritur një komunikim me AstraZeneca, në disa drejtime përvecse me kompanitë edhe me shtete të tjera.

Një shtet mik na konfirmoi me shkrim dhënien e 360 mijë doza të vaksinënës AstraZeneca. Do të fillojnë të lëvrohen në muajin prill, por po e jap si info pa dashur të konfirmoj asgjë përderisa nuk kemi firmosur dhe vulosur marrëveshjen.

Shpresoj të kemi një kontakt në nivel të lartë me qeverinë e këtji shteti dhe aty pastaj gjithçka do jetë publike, jo kontakt sekret.

Ata që nguten të japin mend për një çështje që qartësisht nuk e kanë idenë se çfarë është. E para nuk eshtë çështje fondesh.

Vaksina nuk është në treg që blerësit do shkojnë ta martin. As çështje vendesh të varfra dhe të pasura.?, tha ai./CNA.al

 





Lajmet e fundit nga