web counter
LEXO PA REKLAMA!

SHKARKO APP

App Store
Google Play

E fundit!

x

Kampion i botës, momenti kur lojtarët e Bayernit ngrenë lart trofeun (VIDEO)

11 Shkurt 2021, 20:21, Sport CNA

Bajerni i Mynihut është tashmë pjesë e historisë. Nuk ka asnjë trofe që gjigantët bavarez nuk e kanë fituar këtë sezon. Pas kampionatit, Kupës së Gjermanisë, Champions League, Superkupës së Europës, tashmë është Kupa e Botës për klube kupa e radhës që shtohet në vitrinën e skuadrës së drejtuar nga Hansi Flik.

Bajerni ka mposhtur me shifrat minumale 1-0 Tigres, megjithëse e ka arritur një gjë të tillë mes polemikave. Zakonisht jemi mësuar që VAR-i të prishë festën e skuadrave, por këtë herë e kundërta ka ndodhur.

Benjamin Pavar dërgon topin në rrjetë në minutën e 58, por menjëherë anësori ngre lart flamurin për pozicionin jashtë loje. Madje edhe një prekje me dorë e Levandovskit është dyshuar përpara se mbrojtësi francez të zotëronte topin.

Mirëpo është VAR-i ai që hedh poshtë vendimin e anulimit të golit, duke i dhënë mundësinë kështu bavarezëve të udhëhiqnin me atë gol, që do të rezultonte i vetmi i kësaj finaleje.

Për më tepër ndiqni pamjet e mëposhtme, nga momenti i ngritjes së trofeut.





Lajmet e fundit nga