“Presim një gropë ekonomike 500 milionë euro”/ Florjon Mima tregon sa i realizueshëm është plani i PD

29 Janar 2021, 16:38, Politikë CNA

Kreu i Partisë Demokratike Lulzim Basha prezantoi ditën e djeshme planin ekonomik, ku premtoi taksim të sheshtë 9%.

Por sa i realizueshëm do të jetë ky plan dhe ku do i gjejë PD paratë për të mbajtur fjalën e dhënë?

Këtyre pyetjeve u jep përgjigje ish-deputeti i PD, Florjon Mima, i cili thotë se programi është realist dhe se do të zbatohet, ashtu sikur është premtuar.

Ai pranon se nga ulja e taksave, e çmimit të naftës, dhe energjisë elektrike, do të krijohet një gropë ekonomike prej 500 milionë eurosh, por sipas tij është e përballueshme.

?Në vlerësimin tim nuk është optimist, por është realist, si program. Është totalisht i realizueshëm. Gropa që neve presim,pra të ardhura që nuk do të vijnë sepse do të ulen taksat por edhe shpenzimet për financimin e shëndetësisë, bujqësisë, arsimit dotë jetë 500 milionë euro totalisht e përballueshme nga rritja ekonomike, nga prerja e duarve të korrupsionit, nga 7.2 miliardë euro të vjedhura thotë KLSH në këto 8 vite. Kjo histori duhet të mbarojë?, tha ai për “News 24”.

Mima thotë se bizneseve të vogla e të mesme do t?ju hiqen nje ser taksash që sot i paguajnë, si taksa për arsimin, tabelën reklamuese etj. Kjo, sipas tij, do të thotë më shumë para në xhepat e sipërmarrësve.

?Marrim një fast food me xhiro 10 milionë lekë në vit. Sot ai paguan 1.1 milionë lek Bashkisë së Tiranës, por me ndryshimet tona ai do të paguaj vetëm 500 mijë lekë të vjetra. Logjika është kjo: Ti nuk do paguash më taksë arsimore, nuk do paguash më taksë tabele, tarifë pastrimi. I vetmi detyrim që biznesi do të paguaj në pushtetin lokal do të jetë 0.5% e xhiros?, tha Mima.

Ish-deputeti shprehet i sigurtë se me ardhjen e demokratëve në pushtet, ndihma ekonomike do të dyfishohet. Ai shton se është një turp kombëtar mënyra sesi trajtohen sot shtresat në nevojë.

?Dyfishimi i ndihmës është punë që do të bëhet që ditën e parë, sepse nëse ka një turp kombëtar për të majtë e të djathtë pa dallim është trajtimi i një shtrese që nuk ka të ardhura nga arka e përbashkët. A e dini sa është sot? 13 mijë lekë të vjetra në muaj për një pjestar të një familje në nevojë. Me këto të ardhura do paguajnë energjinë elektrike dhe librat, ngrohje dhe ushqime?, tha Mima./CNA.al