web counter
LEXO PA REKLAMA!

SHKARKO APP

App Store
Google Play

E fundit!

x

Ideja e një parti të re të Trump, do ishte katastrofike për të djathtën në SHBA

29 Janar 2021, 08:57, Blog CNA

Nga J.R Dunn ?American Thinker?

Nja nga çështjet kryesore midis konservatorëve gjatë javëve të fundit është se ?Donald Trump duhet të krijojë një parti të re?, që mund t`a quajë Partia Konservatore Amerikane, Partia e Patriotëve Amerikanë, apo diçka e ngjashme.

Nxitja e një propozimi të tillë është e kuptueshme, duke pasur parasysh dorëzimin e Partisë Republikane përballë manipulimit të hapur zgjedhor. Sjellja e saj që quhet shpesh Great Old Party (GOP) gjatë gjithë kësaj kohe ka qenë e turpshme. Mund t`a ekzagjerojmë nëse themi që republikanët kanë bashkëpunuar në fakt me të majtën. Por kur shohim sjellje të tilla nga senatorët Pat Tumej, Betsi DeVos apo anëtari i Gjykatës së Lartë Bret Kavanoug, është e vështirë t`a shmangësh përfundimin se atyre thjesht nuk u intereson aspak fati i GOP-it.

Nuk ka asnjë diskutim që Partia Republikane ka degraduar sot në një bandë mashtruesish dhe oportunistësh. Ka vërtet disa përjashtime, por ato nuk janë shumica. Por, përkundër gjithë kësaj situate, ideja e krijimit të një partie tëre në të djathtë do të ishte ende një gabim. Ata që janë pro, thonë me të drejtë se ajo do të shënonte një fillim të ri në politikën amerikane, siç ishte themelimi i GOP në vitin 1854.

Por nga ana tjetër, kjo do të hapte shumë probleme. Së pari, çdo parti e re konservatore do të ishte një parti e pakicës. Është e vërtetë, votuesit e Trump janë70-80 milion, por ata nuk janë të gjithë republikanë, dhe për më tepër, nuk janë të gjithë të gatshëm të hidhen nga anija e vjetër.

Ndaj, një parti e re konservatore do të ishte një parti periferike për një kohë të gjatë, pa asnjë garanci se do të rritet ndonjëherë për t?u shndërruar në një forcë kryesore. Së dyti kjo lëvizje do t?i izolonte konservatorët, duke i vendosur ata në një lloj?getoje politike? që mund të sulmohej lehtësisht nga kundërshtarët.
Konservatorët e establishmentit bënë diçka të ngjashme në vitet 1970-1980, duke migruar jashtë rrjedhës politike kryesore, dhe duke milituar në organizata dhe think-tanke të ndryshme konservatore. Në këtë mënyrë, ata braktisën efektivisht institucionet – arsimin, median, argëtimin dhe biznesin -duke ia lënë ato së majtës, që i vendosi shpejt nën kontrollin e saj.

Sot konservatorizmi?i zakonshëm?, përbëhet nga një grumbull njerëzish të çuditshëm, që vishen çuditshëm dhe flasin vetëm midis tyre, duke përdorur një fjalor shpesh të padepërtueshëm nga të huajt. Pra thënë thjesht, sillen si një kult. Fakti që ata nuk janë më ?konservatorë? në asnjë mënyrë të kuptueshme lehtësisht nga masa, u zbulua nga fenomeni i lëvizjes ?NeverTrump? (Kurrë më Trumpi president), një zhvillim i çuditshëm në të cilin ?konservatorët? iu kundërvunë Trump në çdo ide, qoftë edhe sepse ai mbante veshur këpucë ngjyrë kafe me kostume blu, ose diçka tjetër të këtij lloji.

Për këtë arsye, një parti e re do t`a përçante lëvizjen konservatore, pikërisht në kohën kur ajo ka më shumë nevojë për unitet. Që nga fillimi i viteve 1960, konservatorët janë për herë të parë në shënjestër aktive, duke u kërcënuar të dëbohen nga skena kryesore politike. Dhe një parti e tretë në këtë moment, vetëm sa do t?i jepte mundësi demokratëve të bënin çfarë të donin përballë një opozite të dobësuar.

Trump sinjalizon vazhdimin e betejës për të përmbysur fitoren e Biden-itNjë parti e re do të linte në baltë disa republikanë të nderuar si Met Getz, Ted Kruz dhe Xhosh Houlej. Ata nuk janë ndalur kurrë së luftuari, dhe janë ende atje në Kongres dhe Senat duke ngritur zërin kundër padrejtësive. Dhe ata meritojnë shumë më mirë sesa braktisjen. Një parti e re e Trump, do t?ia dorëzonte Partinë Republikane njerëzve si Liz Çenej dhe Pier Delekto, që menjëherë do t`a shndërrojnë atë në një parti të majtë. Kështu, amerikanët do të kishin 2 parti të mëdha që punojnë kundër tyre dhe i shfrytëzojnë ata.

Një aspekt i çuditshëm i këtij debati, është se shumë njerëz mendojnë se krijimi i një partie të re është diçka e lehtë,thjesht vendosja e një emërtimi ?konservatore?, dhe vendosja e një tavoline në një zyrë duke pritur që njerëzit të vijnë të regjistrohen. Në fakt, përpjekja dhe shpenzimet do të ishin tepër të mëdha,dhe do të merrnin kohë. GOP e pati dikur shumë më të thjeshtë, ndaj pati rezultate të menjëhershme. Në vitin 1854 u bashkuan 2 parti të veçanta për të krijuar Partinë Republikane. Sot situata është krejtësisht tjetër.

Nëse jeni lodhur duke humbur, atëherë duhet të vendosni për të fituar. Nëse jeni të lodhur me njerëz si Ben Sase dhe Liz Çenej,Lindsej Graham dhe MiçMekonell, atëherë duhet të bëni diçka për këtë, duhet nxitur një reformë nga brenda në këtë parti. Ndërkohë,e theksoj, krijimi i një partie të re, sado joshëse të jetë si ide, nuk do të sillte asgjë të mirë për të adresuar atë që është vërtetë e gabuar tek Partia Republikane

GOP nuk është më parti që ka qenë për një kohë të gjatë. Ajo është një asamble mashtruesit, oportunistësh dhe humbësish. Ata duhet të demaskohen. Do të duhet shumë kohë dhe përpjekje për t`a reformuar GOP. Por sigurisht që do të ishte një punë shumë më e lehtë sesa t`a nisësh gjithçka nga zero./Përshtatur nga CNA.al

Burimi: https://www.americanthinker.com/articles/2021/01/a_new_party_a_recipe_for_failure.html





Lajmet e fundit nga