LEXO PA REKLAMA!

SHKARKO APP

Pse njerëzit përdorin me tepricë antibiotikët?

28 Janar 2021, 09:01, Blog CNA
Pse njerëzit përdorin me tepricë antibiotikët?

Sipas një studimi të ?Rutgers?,përdorimi i tepërt i antibiotikëve ndodh për shkak të besimit të përhapur dhe të gabuar se ato janë të dobishme për një gamë të gjerë sëmundjesh, dhe për shkak se shumë mjekë janë të gatshëm t?u japin antibiotikë pacientëve nëse ata e kërkojnë diçka të tillë.

Studimi, i publikuar në revistën ?BioEssays?, ka shqyrtuar më shumë se 200 studime të mëhershme për të shqyrtuar shkaqet pas përdorimit të tepruar të antibiotikëve, dukuri që mund t?i bëjë bakteret e dëmshme rezistente ndaj ilaçeve,duke shkaktuar kësisoj efekte të dëmshme mbi mikrobiomën, ose grumbullimin e mikrobeve të dobishme që jetojnë në trupat tanë.

Martin Blazer, drejtor i Qendrës për Bioteknologji dhe Mjekësi të Avancuar në qendrën ?Rutgers?, njëherazi autori kryesor i studimit, tha se përdorimi global i antibiotikëve midis viteve 2000-2015 u rrit 39 për qind, dhe me një rritje prej 77 për qind në vendet me të ardhura të ulëta dhe të mesme. Po cila janë probleme shëndetësore që vijnë nga prishja e mikrobiomës për shkak të abuzimit me antibiotikët?Tek fëmijët, përdorimi pa kriter i antibiotikëve mund të ndryshojë mikrobiomën, pikërisht në kohën kur janë në zhvillim sistemet e tyre imunologjike, metabolike dhe nervore. Tek të rriturit, ka gjithnjë e më shumë prova se përdorimi i madh i antibiotikëve mund të rritë rrezikun për sëmundjet metabolike dhe neoplazike, përfshirë diabetin, gurët në veshka, apo rrezikun e tumorit në zorrën e trashë dhe rektum.

Studimet në Shtetet e Bashkuara, Britani dhe Kina, kanë zbuluar shumë farmaci që operojnë online që shesin antibiotikë pa asnjë recetë. Ky shqetësim është bërë më akut tani gjatë pandemisë së Covid-19, ku shërbimet e telemjekësisë janë një tjetër burim i mundshëm i shitjeve të diskutueshme të antibiotikëve.
Në mbarë botën, përdorimi i antibiotikëve është më i lartë tek fëmijët e vegjël, sidomos në zonat me të ardhura të ulëta. Kjo ndodh shpesh për shkak se fëmijët e vegjël janë më të prirur të kenë 4-6 infeksione në vit të traktit të sipërm respirator.

Edhe pse shumica e këtyre infeksioneve trajtohen nga antibiotikët, 80 për qind e tyre nuk janë të shkaktuara nga bakteret, dhe për këtë arsye antibiotikët nuk sjellin ndonjë përfitim shëndetësor. Studimi zbuloi gjithashtu se mjekët më të moshuar kanë më shumë gjasa se sa kolegët e tyre më të rinj që t?u japin antibiotikë pacientëve të tyre.

Shumë njerëz besojnë se antibiotikët janë efektivë kundër sëmundjeve bakteriale dhe virale. Të tjerët besojnë se marrja e antibiotikëve nuk mund të sjellë ndonjë dëm. Për shembull në Evropë, 57 për qind e njerëzve të anketuar nuk ishin të vetëdijshëm se antibiotikët ishin joefektivë kundër viruseve, dhe 44 për qind nuk e dinin se antibiotikët nuk kanë efekt kundër të ftohurës së zakonshme apo gripit.

Antibiotikët përdoren zakonisht në të gjithë botën edhe për të vetë-trajtuar probleme shëndetësore. Për shembull në Nigeri, gratë po përdorin gjithnjë e më shumë antibiotikë për të zvogëluar dhimbjet menstruale. Në vendet me të ardhura të ulëta deri në mesatare, antibiotikët shihen shpesh si ilaçe të forta, magjike, të afta të shërojnë dhe parandalojnë një sërë sëmundjesh.

Në shumë vende, njerëzit i marrin ato që të rikthehen më shpejt në punë ose shkollë kur janë të sëmurë. Një nga studimet zbuloi se 63 për qind e studentëve të universiteteve kineze, mbanin në shtëpi një rezervë personale me antibiotikë. Një studim amerikan zbuloi se 43 për qind e prindërve të fëmijëve me simptomat e së ftohurës së zakonshme, besonin se ishte i nevojshëm përdorimi i anti-biotikëve. Përveç kësaj, disa mjekë janë të prirur të japin në recetë një antibiotik, për të ruajtur një marrëdhënie të mirë me pacientët që presin të marrin këto ilaçe.

Pacientët mund të mos kenë domosdoshmërisht nevojë për antibiotikë. Por ata arrijnë në këtë përfundim nga mënyra se si e përshkruajnë ashpërsinë e sëmundjes së tyre, ose kur kujtojnë se ato kanë funksionuar në të kaluarën për një problem shëndetësor të ngjashëm.
Njerëzit janë bërë më pak të duruar që të presin nisjen dhe përfundimin natyral të një sëmundje. Perceptimi se ekziston një pilulë për sëmundjet e të gjitha llojeve, i nxit njerëzit të kërkojë një lehtësim të menjëhershëm për simptomat si nga mjekët ashtu edhe duke u vetë-mjekuar në kushtet e shtëpisë./Përshtatur nga CNA.al

Burimi: https://www.newswise.com/articles/why-people-overuse-antibiotics

Lajmet e fundit nga