E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

"Babalja i Lulit" përdor mediat për të sulmuar Sahit Dollapin

25 Janar 2021, 16:28, Politikë CNA

Lufta brenda Partisë Demokratike duket se po kalon në një tjetër stad. Mesa duket intrigat e brendshme dhe beteja për të kapur vende deputetësh tashmë janë spostuar dhe ?ujqrit? apo ?lepujt? po tentojnë kush e kush të kap një mandat deputeti. Nga ana tjetër, mesa duket vetë Lulzim Basha por edhe njerëzit e tij apo prurjet në PD kanë filluar të konfliktohen dhe të përdorin mediat ku kanë hapësirë për të sulmuar drejtuesit qëndror apo lokal.

Kështu ka ndodhur me një portal të drejtuar nga Jetmir Olldashi, një gazetar i cili njihet për qëndrimet e tij politike pro Bashës, por edhe në përfshirjen në dosjen e famshme ?Babale? si një person i akuzuar për mashtrim së bashku me ish deputetin e PD Ervin Salianji.

Lulzim Basha përdor mediat e Salianjit për të sulmuar Sahit Dollapin, sepse sot duket qartazi në një shkrim të bërë të botuar nga portali i Jetmirit, se si sulmohet dhe akuzohet Dollapi për një aktivitet të tij privat, duke e bashkuar me Erion Veliajn, në këto momente kur kryebashkiaku i Tiranës po akuzohet më fort se kurrë nga PD.

Nga ana tjetër, është gjetur ky moment, jo pa qëllim. Ervin Salianji pretendon të kandidojë në qarkun e Korçës. Ai ka kërkuar të jetë i dyti i listës së qarkut. I dërguar për organizimin, në Qarkun e Korçës ka qenë Sahit Dollapi, i cili ka ndjekur zgjedhjet në bazë, ka ndjekur edhe procesin e votimit për skualifikimin e kandidatëve. Ishte po Dollapi, i cili kapi hajdutin me presh në dorë, dhe zbuloi se në Maliq pas orës 11 në mesditë, filluan të hidheshin vota nëpër kuti, duke mbështetur masivisht Salianjin, çka çoi në mbylljen e procesit në këtë bashki.

Ish deputeti Salianji i ngelur mes katër rrugëve, tashmë në pritje të një vendimi nga gjykata pas dënimit të bërë në Shkallën e Parë, pra në gjykatën e Faktit duke pritur që të jepet vendimi i Apelit. Ai po kërkon me çdo kusht të ketë mbrojtje politike, të jetë pjesë e listave, të jetë deputet, të jetë fitues. Por ndoshta Sahit Dollapi është bërë një mur përpara deputetit skandaloz, të famshmit Salianji të kapur në videon me G.D-në.

Ish deputeti mesa duket tashmë e ka kuptuar se bëmat dhe gjëmat e tij janë raportuar te Lulzim Basha dhe reputacioni i vërtetë që ai ka në bazë, pra përplasjet me strukturat apo refuzimin që ata i bëjnë.

Show që përdoret që bëjnë shpesh duke tentuar që të jetë drejtues lokal. Në fakt, të shkosh në Korçë si deputet të japin ujë në bisht të lugës, e jo më një faktori skandaloz si Ervin Salianj dhe për këtë mesa duket Sahit Dollapi ka qenë murr i pakalueshëm. Gjithçka ka mundur ta konstatojë dhe ta raportojë zyrtarisht në Partinë Demokratike.

Më pas ka qenë edhe Komisioni i Vlerësimit të Figurave që e ka skualifikuar Ervin Salianjin dhe tashmë Salianji e ka gjetur armikun. Ai e ka emrin Sahit Dollapi dhe për të sulmuar këtë të fundit ai sot ka përdorur portalin e mikut të tij, bashkëpunëtorit të dosjes ?Babale? Jetmir Olldashi.

Kjo ka qenë edhe zgjidhja që Salianji kërkon të gjejë për t?i mbyllur gojën drejtuesve të PD që të gjithë të kenë konsensus për ta çojnë kandidat për deputet në Korçë.

Skandalozi i Lulzim Bashës tashmë po vritet nga vetë Lulzim Basha, por nëpërpëlitjet e fundit po e sponsorizon e frymëzon sulmkundër sekretarit organizativ të PD./CNA.al