E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

“Ndëshkoni klasën politike”/ Patozi: Partitë e reja do jenë të vetmet që do hapin listat

25 Janar 2021, 15:25, Politikë CNA

Koordinatori i Bindjes Demokratike Astrit Patozi u shpreh se partitë e reja që janë krijuar do të jenë të vetmet që do të hapin listat 100%.

Gjatë një interviste për Vizion Plus, Patozi shprehet se forcat e reja politike do të bëjnë diferencën në 25 prill.

?Po të shikoni ne jemi e vetmja ofertë që kandidojme me listë të hapur ndryshe nga pala tjetër, apo pjesa tjetër e politikës e cila nuk ka ndryshuar asgjë. Dhe për këtë mjafton të shohësh pazarin e fundit të një vendi të sigurtë në listë që po zhvillohet në selinë e partisë demokratike e që është një shëmti dhe një pasyrë e degradimit të politikës në këto vitet e fundit?, u shpreh Patozi.

Astrit Patozi e Jozefina Topalli do të garojnë së bashku në një koalicion, por ata ftojnë edhe parti të tjera t?i bashkohen aleancës së tyre.

?Ne kemi rënë dakord parimisht dhe me shumë gjasa mund të arrijmë një marrëveshje me zonjën Topalli e me të tjerë, sepse nuk është e thënë që ne duhet të mbyllim dyert, ka edhe forca e personazhe të tjerë politikë që mund të bashkohen në një listë, u shpreh koordinatori i Bindjes.

Ne 15 shkurt është afati i fundit për regjistrimin e partive politike në zgjedhje, moment i cili vlen edhe për koalicionet për shkak se e vetmja hapësirë për të garuar është ajo me një listë të përbashkët kandidatësh.

Deri më tani përveç partive të drejtuara nga Patozi e Topalli, në zgjedhje kanë lajmëruar se do të garojnë edhe 3 forca të reja politike; Nisma e Rudina Hajdarit, Lëvizja e Myzlim Murrizit dhe Lëvizja Vetëvendosje.

Përgjimet e antimafias italiane dhe emrat e politikanëve shqiptarë që përmenden aty tregojnë në leximin e Astrit Patozit se vendi ka nevojë për një ndryshim të thellë.

Sipas tij, vota e 25 prillit duhet të shërbejë jo thjesht për të sjellë rotacionin, por për të ndryshuar politik bërjen në vend e për të ndëshkuar këtë klasë politike.

?Ajo pjesë e politikës e helmuar të cilës ne i kemi dalë përballë është pikërisht ajo që duhet ndëshkuar në 25 prill. Sepse fakti që është edhe opozita e kompromentuar edhe qeverisja e korruptuar e Edi Ramës që përmendet ne ato përgjime të Ndranghetes, pavarësisht besueshmërisë së plotë apo deri në një farë mase të atyre fakteve që kanë dalë deri më sot, prape se prapë tregon se cila është politika që duhet të ndëshkohet?, tha Patozi./CNA.al