web counter
LEXO PA REKLAMA!

SHKARKO APP

App Store
Google Play

E fundit!

x

Studimi/ Vitamina D redukton vdekjet nga tumoret

1 Janar 2021, 15:20, Lifestyle CNA

Ka një lajm të mirë për të gjitha ata që marrin suplemente vitaminash. Disa nga studimet e fundit tregojnë se vitamina D, mund të ulë ndjeshëm rrezikun e kancerit, si në drejtim të parandalimit ashtu edhe të trajtimit të tij.

Studimi i parë që përfshinte 25.871 pacientë, zbuloi se suplementet e vitaminës D reduktonin me 17 për qind rrezikun për kancerin me metastaza dhe vdekjen prej tij. Rreziku madje u zvogëlua me 38 për qind edhe tek në mesin e atyre që kishin një peshë trupore optimale. Studiuesit raportuan se aftësia e vitaminës D3 për të kufizuar ashpërsinë e kancerit dhe metastazave të tij, apo përhapjen e kancerit në organet e tjera, u pa në të gjithë llojet e tumoreve, edhe pse ishte më e dukshme tek pjesëmarrësit që kishin një peshë trupore deri dikur normale. Bashkë-autorja e studimit,dr.PauletaÇendler tha:?Mesazhi kryesor i studimit tonë, është që vitamina D mund të zvogëlojë mundësinë e zhvillimit të kancerit metastatik ose fatal tek të rriturit. Fakti që pacientët me një peshë trupore normale, kishin një përfitim shumë më të madh, sugjeron se ky parametër mund të luajë një rol të rëndësishëm në këtë aspekt.

Një studim i botuar në vitin 2010, zbuloi se fruktoza dietike e pengon thithjen e kalciumit në zorrë, duke shkaktuar kështu pamjaftueshmëri të vitaminës D tek njerëzit me sëmundje kronike të veshkave.

Prandaj, vitamina D ka tendencën të jetë në sasi më të vogla tek njerëzit obezë, për faktin se ajo është një lëndë ushqyese e tretshme në yndyrë. Dhe kur njeriu është shumë mbipeshë, vitamina D përfundon duke e humbur vëllimin e saj. Një tjetër studim zbuloi se për çdo 10 për qind rritje në indeksin e masës trupore (BMI), ka një reduktim prej 4.2 për qind të niveleve të vitaminës D. Edhe sipas autorëve të studimit të fundit, mbipesha mund të jetë në fakt një faktor shkakësor në zhvillimin e mungesës së vitaminës D.

Ndërkaq, një përmbledhje shkencore e botuar në numrin e shtator të këtij vitit të ?Revistës Britanike të Kancerit?, vuri në dukje se të pasurit e niveleve të ulëta të vitaminës D në gjak, shoqërohet me mbijetesë të vogël nga tumori kolorektal. Për të vlerësuar nëse suplementet e vitaminës D, mund të përmirësonin mbijetesën tek këta pacientë, ata shqyrtuan gjetjet e 7 testeve, 3 prej të cilave përfshinin pacientë të diagnostikuar me kancer kolorektal që nga fillimi, dhe 4 teste që raportuan mbijetesë në raste incidentesh. Në përgjithësi, meta-analiza zbuloi se suplementi solli një ulje prej 30 për qind të efekteve anësore të kancerit kolorektal. Një tjetër rishikim idisa studimeve i botuar në nëntorin e vitit të kaluar më?Bioscience Reports?, shqyrtoi efektin e suplementeve të vitaminës D mbi incidencën e kancerit dhe vdekshmërinë në përgjithësi.

Në analizë u përfshinë 10 teste të kontrolluara të rastësishme tek një grupim prej 81.362 pjesëmarrësish. Ndërsa shkalla e incidencës së kancerit ishte shumë e ngjashme midis grupit që merrte suplemente të vitaminës D dhe grupit të kontrollit të placebo (9.16 për qind kundrejt 9.29 për qind), ulja e rrezikut të vdekshmërisë u konsiderua si ?e rëndësishme?.

?Shkalla e vdekshmërisë nga kanceri ishte përkatësisht 2.11 për qind (821 raste), dhe 2.43 për qind (942 raste) në grupin që merrte suplemente të vitaminës D dhe në grupin placebo, duke rezultuar në një ulje të konsiderueshme të rrezikut?-theksohej në studim.

Studime të tjera kanë theksuar përfitimet e vitaminës D për kancerin e gjirit. Për shembull, një analizë e ?Grassroots Health? botuar në qershorin e 2018-ës në ?PLOS ONE?, tregoi se gratë me një nivel të vitaminës D në 60 ng/mL ose më shumë, kishin një rrezik 82 për qind më të ulët të kancerit të gjirit krahasuar me ato me nivele nën 20 ng/mL./Përshtatur nga CNA.al

Burimi: https://www.theepochtimes.com/vitamin-d-reduces-cancer-deaths_3610503.html





Lajmet e fundit nga