Pse rrezikojmë të ftohemi kur dalim në të ftohtë?

1 Janar 2021, 12:40, Lifestyle CNA

Shumë prej nesh e kanë dëgjuar këshillën:?Mos dil jashtë pa pallto; se do të ftohesh!?. Por kjo nuk është saktësisht e vërtetë. Si me shumë gjëra të tjera, realiteti është më i ndërlikuar.

Ja ku qëndron dallimi: Të pasurit ftohtë, nuk është arsyeja pse ftohesh. Por nga ana tjetër është e vërtetë se moti i ftohtë, e bën më të lehtë prekjen nga e ftohura
e zakonshme apo gripi. Është ende shumë herët për të treguar se si ndikon moti tek koronavirusi i Covid-19, por shkencëtarët kanë filluar të mendojnë se ai sillet ndryshe nga viruset e të ftohurës së zakonshme dhe gripit.

Shumë viruse, përfshirë rinovirusin ? përgjegjësin e zakonshëm që shkakton të ftohurën – dhe gripin, mbeten infektive për një kohë më të gjatë, dhe shumohen më shpejt në temperatura më të ulëta. Kjo është arsyeja pse këto viruse përhapen më lehtë në dimër.

Dhe veshja e një palltoje të rëndë, nuk do të përbëjë domosdoshmërisht ndryshim. Më konkretisht, moti i ftohtë mund të ndryshojë membranën e jashtme të virusit të gripit; e bën atë më solide dhe si të gomuar. Shkencëtarët besojnë se veshja prej gome, e bën më të lehtë transmetimin e virusit nga një person tek tjetri.
Dhe problem nuk është vetëm ajri i ftohtë i dimrit. Ai është edhe i thatë, dhe kjo lidhet shumë me shpërthimet epidemik të gripit. Një studim i Institutit Kombëtar të Shëndetit në SHBA, sugjeron se ajri i thatë i dimrit, e ndihmon virusin e gripit të mbetet infektiv për një kohë më të gjatë.

Rëndësi ka dhe mënyra se si reagon sistemi juaj imunitar gjatë motit të ftohtë. Thithja e ajrit të ftohtë, mund të ndikojë negativisht në reagimin imunitar në traktin tuaj të frymëmarrjes, gjë që e bën më të lehtë prekjen nga viruset. Kjo është arsyeja pse mbajtja e një shalli mbi hundë dhe gojë, mund t?iu ndihmojë në shmangien e tyre.

Gjithashtu, shumica e njerëzve marrin më pak rreze dielli në dimër. Ky është një problem pasi Dielli është një burim kryesor i vitaminës D, që është thelbësore për shëndetin e sistemit imunitar. Një faktor tjetër, aktiviteti fizik, ka gjithashtu ka tendencën të bjerë gjatë dimrit. Njerëzit kanë 3 herë më shumë gjasa të vonojnë ushtrimet fizike në mjedise me dëborë apo akull. Në vend të kësaj, ata kalojnë më shumë kohë brenda shtëpisë. Kjo zakonisht nënkupton një kontakt më të ngushtë me të tjerët, gjë që çon në përhapjen e sëmundjes.

Viruset e frymëmarrjes, përhapen zakonisht në një rreze prej 2 metrash të një personi të infektuar. Kur jeni në ambiente të mbyllura, ka shumë të ngjarë që të jeni më afër se 2 metra. Për më tepër, moti i ftohtë i than sekrecionet në sy dhe mukozën në hundë dhe në fyt. Për shkak se viruset që shkaktojnë të ftohurën dhe gripin e zakonshëm, zakonisht thithen përmes ajrit, virusi mund të ngjitet më lehtë në këto pasazhe të dëmtuara dhe të thara.

Po çfarë mund të bëhet? Së pari lani shpesh duart. Gjithashtu shmangni prekjen e fytyrës, diçka që njerëzit e bëjnë midis 9-23 herë në orë. Qëndroni të hidratuar; pini rreth 8 gota në ditë ujë, por kjo mund të jetë variojë në varësi të stilit të jetës, dhe madhësisë trupore të personit.

Mbani një dietë ushqimore të mirë-ekuilibruar, dhe qëndroni fizikisht aktivë, edhe gjatë dimrit. Nëse hunda ose fyti thahen gjatë dimrit, merrni parasysh përdorimin e një lagështuesi, bëni vaksinën e gripit. Dhe gjëja më e rëndësishme për vitin që vjen:Kur të vijë radha juaj, sigurohuni që të merrni vaksinën ndaj Covid-19./Përshtatur nga CNA.al

Burimi:https://medicalxpress.com/news/2020-12-cold.html