Kuzhina juaj mund të jetë një vatër e nxehtë e infektimit me Covid-19

1 Janar 2021, 09:40, Lifestyle CNA

Kuzhina mund të jetë vërtet ?zemra? e shtëpisë. Por ajo është gjithashtu vendi më i mundshëm për të përhapjen e Covid-19. Ndërsa vendet publike, mund të duket se janë shumë të prirura për transmetimin e koronavirusit, një studim i ri sugjeron se shtëpia juaj, dhe sidomos kuzhina, mund të ketë të njëjtat rreziqe shëndetësore nëse keni dikë në familje që është prekur nga kjo sëmundje.

Në një studim të botuar në ?JAMA Network Open?, u zbulua se familjet vazhdojnë të jenë vende të rëndësishme për transmetimin e koronavirusit. Sipas raporteve të botuara, 54 studime në mbi 20 vende të botës, konstatuan se familjet në të cilat dikush ishte i sëmurë me Covid-19, vazhdonin të ishin vatra më e nxehtë për transmetimin e virusit, edhe nëse përhapja e përgjithshme komunitare ishte në rënie.

Bashkëshortët ishin më të rrezikuar se anëtarët e tjerë të familjes, pasi ata mund të ndanin të njëjtën dhomë me individët e infektuar. Ekspertët thonë se rreziku është më i lartë kur anëtarët e familjes kanë simptoma të tilla si kollitja, teshtitja, dhimbjet e trupit, të dridhura dhe ethe.
Mbajtja e maskës edhe në shtëpi, si dhe distancimi social nga ai person, mund të ndihmojë në zvogëlimin e ndjeshëm të rrezikut për anëtarët e tjerë të familjes. Qendrat për Kontrollin dhe Parandalimin e Sëmundjeve në SHBA (CDC), bënë publike një raport që zbuloi se ?transmetimi në shtëpi i SARS-CoV-2 është i zakonshëm, dhe ndodh herët pas fillimit të sëmundjes?.

CDC i paralajmëron njerëzit të ?izolohen menjëherë që në fillim të simptomave të ngjashme me Covid, në kohën e testimit si rezultat i ekspozimit me rrezik të lartë, apo në kohën e një rezultati pozitiv të testit?. Sipas CNN, Raporti Javor i Vdekshmërisë së CDC sugjeron që anëtarët e familjes që besojnë se janë të infektuar, duhet të qëndrojnë në një dhomë gjumi më vete, dhe të përdorin një banjë të veçantë nëse kjo gjë është e mundur. Studiuesit vunë në dukje se 53 për qind e njerëzve që jetonin me dikë me Covid-19 u infektuan, dhe 75 për qind e këtyre infeksioneve dytësore ndodhën brenda një jave.

Ekspertët, e pranojnë që izolimi i anëtarëve të familjes mund të jetë sfidues.

?Nëse keni dikë në shtëpi, që është më i moshuar apo me imunitet të dobësuar, mund të dëshironi ta izoloni në njërën anë të shtëpisë, në mënyrë që fëmijët dhe të gjithë të tjerët të mos jenë rreth tyre rregullisht?- thotë dr.Tania Altman.

?Nëse duhet të kujdeseni për një fëmijë, atëherë mund të dëshironi të merrni vendimin për ta izoluar fëmijën me një të rritur?- tha ajo. Ekspertja shton se një nga mënyrat për ta mbajtur kuzhinën tuaj të sigurt, është të vishni doreza kur prekni dhe pastroni enët, që ka prekur dikush që ka rezultuar pozitiv me Covid-19.

Gjithashtu, ekspertët thonë se sipërfaqet e prekura zakonisht, si dorezat e frigoriferit dhe mikrovalës suaj, duhet të dezinfektohen rregullisht./Përshtatur nga CNA.al