Sa e sigurt është vaksina ruse “Sputnik V” kundër Covid-19?

31 Dhjetor 2020, 14:13, Blog CNA

Të shtunën që kaloi, kur vendi i tejkaloi 3 milionë rastet zyrtare të konfirmuara me koronavirus, Rusia vendosi të mos rikthejë një bllokimi tjetër kombëtar, që do të ishte shkatërrues për ekonominë.

Në vend të kësaj, Moska i dha dritën jeshile vaksinimit masiv të popullatës së saj me vaksinën e saj të diskutueshme ?Sputnik V? kundër koronavirusit. Ministri rus i Shëndetësisë Mikail Murashko, tha për mediat shtetërore gjatë fundjavës se vaksina është njëkohësisht ?e sigurt dhe efektive? për përdorim të përgjithshëm, duke autorizuar që ajo të përdoret tek të moshuarit mbi 60-vjeç.

Më vonë, një zëdhënës i Kremlinit shtoi se vaksinën do t`a marrë edhe presidenti rus Vladimir Putin. Javën e kaluar, Rusia dërgoi rreth 300.000 doza të vaksinës së saj në Argjentinë, dërgesa e parë e madhe ndërkombëtare. Por, ngarkesa përbëhej vetëm nga doza e parë e vaksinës që ka2doza.

Por çfarë mendojnë ekspertët mbi këtë vaksinë? Ndryshe nga vaksinat e tjera aktualisht në treg, vaksina ?Sputnik V? mbështetet në dy doza të shpërndara duke përdorur viruse të ndryshme joaktive, të cilat njihen si vektorë. Sipas Institutit Gamaleja që e zhvilloi vaksinën, ajo është91 për qind efektive pas marrjes së 2 dozave.

Por ekspertët ndërkombëtarë të mjekësisë, kanë ngritur shqetësime në lidhje me shpejtësinë me të cilën ka punuar Rusia për vaksinën. Në fakt autoritetet i dhanë miratimin kësaj vaksine, dhe vaksinimet masive nisën para se të përfundonin testet e plota për të provuar sigurinë dhe efikasitetin e saj.
Dr. Ues Van Vorhis, profesor i alergjisë dhe sëmundjeve infektive në Universitetin e Uashingtonit dhe drejtor i Qendrës për Sëmundjet Infektive, thotë se mbetet shumë skeptik në lidhje me vaksinën ?Sputnik V?.

?Ajo është vaksinë e krijuar me adenoviruse (virusi që shkakton të ftohurën e zakonshme), ndaj ka më shumë potencial sesa vaksinat e Pfizer dhe Moderna-s (me mARN) dhe ajo e kinezes Sinopharm (me virusin joaktiv) qëtë shkaktojë reaksione anësore?– thotë ai.

?Unë jam i pasigurt nëse kjo vaksinë është e sigurt, sepse të dhënat për sigurinë në shkallë të gjerë nuk janë bërë ende publike? Që ekspertët të mbështesin sigurinë e ?Sputnik V?, ata duhet të kenë qasje në të dhënat e sigurisë nga një numër i madh njerëzish që janë vaksinuar tashmë?- shton ai.

Dr.Li Rajli, profesor dhe drejtues i Divizionit të Sëmundjeve Infektive dhe Vaksinologjisë në Universitetin e Kalifornisë, është veçanërisht i shqetësuar për individët me sëmundje kronike që marrin vaksinën Sputnik V.

?Vaksina Sputnik V? përdor 2 lloje të ndryshme të adenovirusit – Ad26 dhe Ad5 -ku secili jepet si një dozë e veçantë me 3 javë distancë nga njëra-tjetra. Këto viruse nuk shkaktojnë ndonjë sëmundje serioze tek njerëzit -ndoshta tek disa simptoma të lehta si e ftohura e zakonshme. Pra, për popullatën e përgjithshme pa sëmundje kronike, vaksina duhet të jetë relativisht e sigurt?-shpjegon ai.

?Sidoqoftë, për shkak se kjo qasje përdor viruse të gjalla, ajo mund të shkaktojë komplikime tek disa individë që vuajnë nga imunokompresimi. Nuk kemi shumë informacione që vijnë nga Rusia mbi grupet e njerëzve që e kanë marrë vaksinë deri më tani. Ndaj nuk kemi ndonjë të dhënë në lidhje me sigurinë e saj?- përfundoi ai./Përshtatur nga CNA.al

Burimi: https://www.19fortyfive.com/2020/12/how-safe-is-russias-sputnik-v-coronavirus-vaccine/