web counter
LEXO PA REKLAMA!

SHKARKO APP

App Store
Google Play

E fundit!

x

Prania e të miturve në protestë/ Reagon UNICEF: Distancohuni nga dhuna

13 Dhjetor 2020, 11:09, Aktualitet CNA

Protestat e dhunshme të shkaktuara prej 4 ditësh në disa qytete të vendit dhe prania e gjerë e të miturve, të cilët nuk nguruan të shkatërronin dhe digjnin çdo gjë që u dilte para ka bërë që UNICEF në Shqipëri të shpreh shqetësimin e saj, sidomos për praninë e gjerë të fëmijëve në to.

UNICEF kërkon që të miturit e arrestuar apo që po ndihen në gjendje të lirë të marrin trajtimin dhe mbështetjen e duhur sipas ligjit si dhe ka dënuar dhunën në protesta duke u bërë thirrje qytetarëve të distancohen nga ajo dhe të respektojnë masat anti-covid, pasi grumbullimet rrisin rrezikun e infektimit të fëmijëve dhe të rinjve.

“UNICEF është i shqetësuar për dëmin e mundshëm dhe ekspozimin ndaj dhunës, përfshirë këtu, dhe rrezikun e ekspozimit ndaj #COVID19 që fëmijët dhe të rinjtë mund të përballen mes protestave në Tiranë dhe në qytete të tjera.

UNICEF i bën thirrje gjithë shoqërisë të mbështesë të drejtat e fëmijëve,sipas Konventës për të Drejtat e Fëmijëve, lidhur me lirinë e shprehjes dhe grumbullimet paqësore.

Gjithashtu, u bën thirrje të gjithë aktorëve përgjegjës, të sigurohen që fëmijët që janë në kontakt me ligjin, duhet të marrin në kohë, trajtimin dhe mbështetjen e duhur, përmes procedurave të përshtatshme për të miturit.

UNICEF i bën thirrje mbarë qytetarëve të distancohen nga dhuna, të respektojë masat themelore ndaj mbrojtjes së COVID19, si dhe ata që marrin pjesë në protestë, ta bëjnë këtë pjesëmarrje, sa më paqësore dhe jo të dhunshme”, shprehet UNICEF./CNA.al





Lajmet e fundit nga