web counter
LEXO PA REKLAMA!

SHKARKO APP

App Store
Google Play

Plaçkitja e selisë së PS-së/ Ademi: Nuk ishin protestuesit tanë, policia me duar në xhepa

12 Dhjetor 2020, 13:32, Politikë CNA

Kryebashkiakja e Shkodrës Voltana Ademi ka reaguar pas protestës së dhunshme të ndodhur sot në Shkodër ku u plackit selia e PS.

Ajo thekson se ata nuk kanë nxitur kurrë urrejtje politike as në kohërat më të errëta dhe përsekutimin më të egër.

Ademi thotë në postimin e saj në Facebook, se i kërkoi policisë që të ndërhynte, por, sipas saj, efektivët qëndruan me duar në xhepa, duke parë dhunimin e selisë, pa bërë asnjë veprim.

?Si qytetarja e parë e Shkodrës kisha përgjegjësinë të isha sot me shkodranët e revoltuar nga arbitrariteti që çon deri në vrasje, e shtetit policor të ndërtuar nga Edi Rama në këto 7 vjet. Ne bëmë detyrën tonë ndaj demokracisë dhe lirisë në një marshim paqësor. Thyerja e selisë së Partisë Socialiste nuk është ajo që ne duam dhe ajo që ne shkodranët mbështesim.

Ne nuk kemi nxitur kurrë urrejtje politike as në kohërat më të errëta dhe përsekutimin më të egër, nuk nxisim as sot as dhunën, as urrejtjen mes vedit. Qytetarët duhet ta dinë se kur disa të rinj, të panjohur dhe të pambështetur nga protestuesit e tjerë, u drejtuan nga selia e PS, njoftova autoritetet më të larta të Policisë në Shkodër.

Policia ndenji me duar në xhepa, duke parë dhunimin e selisë, pa bërë asnjë veprim. Të rinjtë dhe qytetarët nuk duhet të bien pre e asnjë provokimi kriminal, siç ka ndodhur në Tiranë nga regjimi i Edi Ramës dhe siç po ndodh sot në Shkodër. E drejta për të protestuar është legjitime dhe ajo duhet të ushtrohet pa pengesa dhe tejkalime? deklaron Ademi./CNA.al





Lajmet e fundit nga