web counter
LEXO PA REKLAMA!

SHKARKO APP

App Store
Google Play

“U mbështeta pas murit, nuk i dilja dot para”/ Aktivisti i prekur tregon momentin e takimit me babain e Klodian Rashës

10 Dhjetor 2020, 12:11, Aktualitet CNA

Aktivisti i shoqërisë civile Genc Sejko, i cili ditën e djeshme organizoi një marshim paqësor në orën 22:00 nga Kryeministria drejt vendit ku u vra 25 vjeçari, i përlotur është shprehur se momenti kur ato kanë takuar babain e Klodianit ishte shumë i vështirë.

Sejko në fjalën e tij ka thënë se dhe pse me të gjithë atë dhimbje mbi supe, babai i Klodianit kapërceu gjëmën që i ka rënë mbi supe dhe uroi më të mirën për të rinjtë shqiptarë.

?Nëse je prind vetë çfarë mund të thuash një familjari që sapo ka futur në varr djalin, ne nuk ishim për të shkuar te familja por ishte ideja për të treguar absurditetin që ndodhi. Kur ishim atje kamerat u fokusuan te babai i Klodianit, unë isha i mbështetur në mur pasi s?di ç?të thuash një prindi që sapo ka mbuluar në dhe djalin 25 vjeçar dhe vijojnë e akuzojne se ka kryer precedentë penale. Ata ishin të njoftuar se ne do të ishin atje, na pritën siç çdo familje shqiptare kur hap dyert e mortit.

Është fatkeqësi që media për të justifikuar atë që i paguan dje o financon të hedhin baltë mbi një 25 vjeçar. Jam i prekur sepse vdes një 25 vjeçar ne flasim për pemën,  se u thyen disa xhama, që u fol me fjalë të pista, sikur ne na ka ngelur gjë tjetër në dorë përveç zemërimit, nuk kemi asnjë mjet tjetër në dorë, dhuna nuk justifikohet por është e kuptueshme u vra një 25 vjeçar nga ato që duhet të na mbrojnë.  Kryefamiljari kapërceu gjëmën që i ka rënë mbi supe dhe uroi më të mirën për të rinjtë shqiptarë?, tha Sejko për ?ABC News?./CNA.al.





Lajmet e fundit nga