E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Skandali i denoncuar nga CNA.al/ Habit Lleshaj: BMW u ka kushtuar taksapaguesve shqiptarë 49 mijë euro, jam krenar

3 Dhjetor 2020, 21:49, Politikë CNA

Dy muaj më parë, CNA.al publikoi skandalin e blerjes së një makine luksoze për ministrin e Brendshëm, Sandër Lleshaj. (Lexo këtu)

Një model BMW i fundit, i cili sipas të gjitha të dhënave të siguruara në faqen zyrtare të BMË, por edhe në mobile.de, shkonte në një vlerë mesatarisht rreth 100 milionë lekë.

Për këtë është pyetur sërish mbrëmjene sotme vetë ministri, i cili pretendon se makina nuk është blerë në vlerën e 100 milionë lekëve, por në vlerën e 49 mijë eurove.

Ai tha se makina është blerë direkt në kompani në Bavari, ndërsa pretendon se është favorizuar nga kompania për shkak të postit.

Lleshaj është përballur me një sërë pyetjesh rrufe nga drejtuesi i emisionit ?Opinion? Blendi Fevziu dhe nga gazetarja Klodiana Lala, ku herë pas here është zënë ngushtë.

Ministri thotë 49 mijë euro si të ishin 49 lekë për një kafe. Në fakt mjeti ka kushtuar më shumë, pasi ajo rezulton vlera e blerjes në fabrikë por çmimi nuk përfshin taksat që e çojnë gati 60 mijë euro minimalisht. Por Lleshaj përtej çmimit duhet të tregojë pse qarkullonte me targa false dhe pa siguracion.

Debati:

Lleshaj: Ministri i Brendshëm i Shqipërisë mban një makinë që kushton më pak se shumë makina të punonjësve të Policisë së Shtetit.

Fevziu: Ky është faji po i Policisë së Shtetit që nuk verifikon pasuritë e këtyre njërëzve.

Lleshaj: Jo, jo, jo, më fal.

Fevziu: Ne po flasim për një simbol, se shteti shqiptar mund të ketë mundësi, nuk është ndonjë gjë që t?ju paguajë makinën më të shtrenjtë. Po flasim a është e drejtë që ministri i Brendshëm të lëvizë?

Lleshaj: Edhe çerek ore do më japësh kohë tani?

Fevziu: Jo s?të jap, 5 minuta maksimumi.

Lleshaj: Ministri i Brendshëm mban atë makinën që ju e shihni në sfond, është një makinë e cila kushton më pak se makinat që mbajnë drejtuesit e tjerë të Policisë së Shtetit.

Fevziu: Sa kushton? Kjo makinë minimalisht kushton 100 mijë euro. Është BMW seria 7.

Lleshaj: Mund të bëjë edhe 700 mijë euro po deshe, kjo makinë i ka kushtuar taksapaguesve shqiptarë 49 mijë euro.

Fevziu: 49 mijë euro? Ku doli 49 mijë euro?

Lleshaj: Kaq!

Fevziu: Jam gati unë që nesër të shkoj ta marr një makinë të tillë për 49 mijë euro.

Lleshaj: Shko merre, nuk e merr dot po nuk u bëre ministër i Brendshëm.

Fevziu: Duhet të jesh një ministër i Bremndshëm që ta kesh një makinë të tillë?

Lleshaj: Po!

Lala: Të përfitosh nga posti, këtë po na thoni zoti ministër?

Lleshaj: Ka përfituar Shqipëria jo unë. Ka përfituar populli, se kjo nuk është makinë private zonjë, kjo është një makinë që është marrë nga shteti shqiptar.

Fevziu: Nga është marrë makina?

Lleshaj: Te prodhuesi direkt, shihni BMW-në atje, është marrë direkt te prodhuesi.

Fevziu: Është koncesionar në Shqipëri?

Lleshaj: Jo! Është marrë direkt te prodhuesi në Bavari. Atje është marrë dhe për këtë e ndjej veten krenar?

Fevziu: Është makinë e blinduar?

Lleshaj: Jo nuk është e blinduar. Është një makinë e thjeshtë, shumë e thjeshtë me konfiguracionin minimal, do t?ju ftoj kur të dalim po deshe hajde shihe jashtë që pastaj të heqësh dorë?

Fevziu: Unë e di që makina të serisë 7 kanë një çmim që fillon?

Lleshaj: Hajde provoje?

Fevziu: Fillon nga 95 mijë euro.

Lleshaj: Po aq fillon. Aq fillon për një blerës të zakonshëm.

Fevziu: Dhe shkon deri në 160 mijë euro në rastin më të zakonshëm.

Lala: Ta pyesim pak ministrin pse nuk jeni blerës i zakonshëm ju?

Lleshaj: Pse?

Lala: Pse? Na e sqaro.

Lleshaj: Po jam ministër i Brendshëm. Është shitur për ministrin nuk është shitur për individin.

Lala: Po ai është koncesionar, nuk pyet për ministrin e Brendshëm.

Lleshaj: Pyet. Po është blerë te prodhuesi moj zonjë, nuk është blerë te koncesionari, kupton? Prodhuesi është tjetër.

Lala: Pra, prodhuesi ju ka favorizuar se s?po e kuptojmë?