Skandali me makinën 100 milionëshe/ Tre faktet që akuzojnë Sandër Lleshajn

1 Shtator 2020, 11:43, Politikë CNA

CNA.al, disa ditë më parë, raportoi në lidhje me një skandal të padëgjuar më parë, ku është përfshirë ministri i Brendshëm, Sandër Lleshaj.

Skandali lidhet me blerjen e një mjeti luksoz, me vlerë rreth 100 milionë, e cila është blerë nga Policia e Shtetit, dhe që pretendohej se do të përdorej nga Oficeri i Kontaktit në Ambasadën Shqiptare në Berlin. Pra, mjeti pretendohej se do të qëndronte në Gjermani.(Lexo këtu)

Por, pikërisht këtu fillon skandali

Përtej faktit se është një mjet tepër luksoz, për ministrin e një vendi të varfër si Shqipëria, skandali qëndron në faktin se mjeti nuk ka qëndruar në Gjermani, por ka ardhur në Shqipëri dhe është parkuar në oborrin e Policisë së Shtetit, sikurse shikohet në foton më poshtë.

Më pas, mjeti është marrë dhe është targuar me targa shqiptare, dhe përdoret nga Ministri i Brendshëm, Sandër Lleshaj.

Pra, mjeti duhej të qëndronte në Berlin, por ka ardhur në Shqipëri, që ministri Lleshaj të mund të shëtisë me një mjet luksoz.

Sesi janë gjetur proçedurat apo hapësirat ligjore për të zhdoganuar mjetin dhe targuar atë me targa shqiptare, kësaj pyetje vetëm Lleshaj mund t?i përgjigjet.

Përplasjet me Ambasadën dhe Ministrinë e Jashtme

CNA.al gjithashtu ka raportuar edhe në lidhje me përplasjet me institucionet, të cilat kanë kundërshtuar blerjen e kësaj makine.

Ministria e Jashtme dhe Ambasada Shqiptare në Berlin kanë kundërshtuar blerjen e mjetit, për shkak të proçedurës që do të ndiqej dhe për shkak të faktit se mjeti do të blihej për në ambasadë, por në fakt ai do të merrej dhe do të përdorej nga Sandër Lleshaj.

Ambasada e ka kundërshtuar këtë procedurë, të blerjes së këtij mjeti, pasi dukej si një shkelje ligjore, por edhe për faktin tjetër se mjete të tilla luksoze nuk disponohen nga ambasada jonë dhe është një vlerë mjaft e madhe dhe tepër abuzive. (Lexo këtu)

Pa përmendur këtu faktin se mjeti do të blihej për llogari të Ambasadës dhe do të vinte në Shqipëri për t?u mbajtur nga Ministri i Brendshëm, ndërkohë që ligji e ndalon kategorikisht ç?regjistrimin e mjetit dhe targimin e tij.

Kundërshtimi i ashpër i Aida Hajnaj

Po ashtu CNA.al ka raportuar se një tjetër person i cili ka kundërshtuar blerjen e këtij mjeti është edhe Aida Hajnaj, ish- nëndrejtoresha e Përgjithshme e Policisë së Shtetit, Aida Hajnaj e cila sot mban postin e Drejtores së Byrosë Kombëtare të Hetimit.

Burime për CNA.al bëjnë të ditur se zonja Hajnaj ka qenë një kundërshtuese e ashpër për blerjen e këtij mjeti dhe skemën që do të përdorej nga policia e Shtetit për t?i siguruar ministrit Sandër Lleshaj një veturë luksoze siç ai e kërkonte.(Lexo këtu)

Por, Lleshaj nuk ka pyetur për asgjë dhe mjeti ka ardhur në Shqipëri, është zhdoganuar dhe është targuar me targa shqiptare.

Për më tepër, ministri ka qënë u pranishëm sot në Korçë, në një ceremoni zyrtare, ku sigurisht binte në sy edhe mjeti luksoz më të cilin shëtiste Lleshaj./ CNA.al

Ekskluzive-Sandër Lleshaj dhe Ardi Veliu kapen në mega-skandal/ Si u ?përvetësua? makina 100 milionëshe

Zbulohen detaje të reja nga skandali i makinës 100 milionëshe të Sandër Lleshajt

Makina 100 milionëshe e Sandër Lleshajt/ Thellohet skandali për blerjen e mjetit nga policia

Foto+Video-Skandali me makinën 100 milionëshe/ Sandër Lleshaj zbarkon në Korçë me BMW luksoze