E fundit!

12:59 Politikë

“Nuk duhet të jem aty”/ Berisha: Prania ime dëmton fibrën më të fuqishme të protestës

Kryetari i Partisë Demokratike, Sali Berisha, ka deklaruar...

Qeverisë i del nga kontrolli inceneratori i Tiranës/ Zoto kërkon mbetjet e rrezikshme!

17 Nëntor 2020, 13:22, Aktualitet CNA

Inceneratori i përpunimit të mbetjeve të Tiranës, i kallëzuar nga Partia Demokratike si sipërmarrje mega-korruptive, duket se po u del jashtë kontrollit zyrtarëve të përfshirë në këtë projekt të dyshimtë.

Kompania ?Integrated Energy BV? po synon që të shtrijë aktivitetin e saj në përpunimin e mbetjeve të rrezikshme. Ky qëllim duket se ka trembur, më së pari autoritetet shtetërore.
Këta të fundit, me shumë mundësi, nuk e kanë parashikuar se oreksi i kompanisë private do të tejkalonte pritshmëritë e tyre.

Zyrtarët e autoriteteve mjedisore duken se gjenden përballë një dileme shumë të rëndësishme. Nga njëra anë është kërkesa e kompanisë së Klodian Zotos, e mbështetur fuqishëm nga qeveria shqiptare, për të ndërtuar një landfill për mbetje të rrezikshme joaktive.

Nga ana tjetër, është shqetësimi se miratimi i një leje të tillë mund të ketë kosto të pallogaritshme në jetën dhe shëndetin e njerëzve.

Çfarë ka ndodhur?

Disa muaj më parë, ?Integrated Energy? e Klodian Zotos, nëpërmjet përfaqësuesit të saj, Giuseppe Ciafaglione, i drejtohet Agjencisë Kombëtare të Mjedisit për lëshimin e Deklaratës Mjedisore, për projektin ?Landfill i mbetjeve të rrezikshme joaktive?.

Deklarata Mjedisore është një dokument, në të cilin autoritetet shtetërore përcaktojnë paraprakisht detyrat që duhet të përmbushë kërkuesi, para se të pajiset me Leje Mjedisore.

Në një dokument të siguruar nga ?Syri TV?, rezulton se Agjencia Kombëtare e Mjedisit e ka refuzuar lëshimin e Deklaratës Mjedisore.

Kjo do të thotë se kompania ?Integrated…? e Klodian Zotos nuk përmbushte kriteret për të kërkuar një akt të tillë.

Detajet sqarohen në dokumentin ?Refuzim Deklarate Mjedisore, me numër protokolli 1111, datë 4 shkurt 2020 që është nënshkruar nga drejtuesi i Agjencisë së Mjedisit, Edison Konomi dhe Ministri i Mjedisit, Blendi Klosi.

Sipas dokumentit ?Refuzim….?, autoritetet mjedisore konstatojnë se kontrata koncensionare nuk parashikon ngritjen e një landfilli për mbetjet e rrezikshme.

Po ashtu, në kërkesën e paraqitur nga kompania e Klodian Zotos nuk ka dhënë specifikat e impiantit të mbetjeve të rrezikshme, llojin e kapacitetin e tij.

Por teksa Ministria e Mjedisit ka refuzuar lejen për trajtimin e mbetjeve të rrezikshme, Klodian Zoto nuk është ndalur në çuarjen deri në fund të projektit të tij.

Në dokumentarin propagandistik të transmetuar nga Top Channel, përfaqësuesi i kompanisë ?Integrated Energy?, Elton Bualli, tregon se gropa për trajtimin e mbetjeve është bërë.

Po ashtu, koncensionari i inceneratorit nuk ka specifikuar mënyrën e ndarjes së mbetjeve, sasitë e parashikuara, si edhe depozitimin e kapsulimin e tyre në landfill.

Praktikisht, ?Integrated Energy BV? rezulton se nuk plotëson asnjë kriter për ndërtimin e landfillit të mbetjeve të rrezikshme.

E, megjithatë, kompania e Zotos këmbëngul për të siguruar Lejen Mjedisore për landfillin e mbetjeve të rrezikshme.

Në një padi, të regjistruar në Gjykatën Administrative të Tiranës në shtator 2020, kompania koncensionare kërkon ?Deklarimin e paligjshëm dhe shfuqizimin tërësor të aktit administrativ ?Refuzim Deklaratë Mjedisore? për zhvillimin e projektit ?Ndërtimi i landfillit të mbetjeve të rrezikshme jo radioaktive?.

Çështja është në fazën paraprake të shqyrtimit në gjykatë./Syri