web counter
LEXO PA REKLAMA!

SHKARKO APP

App Store
Google Play

Bardhi i përgjigjet Ballës/ Nuk duroni dot modelet demokratike

16 Nëntor 2020, 12:31, Aktualitet CNA

Sekretari i Përgjithshëm i Partisë Demokratike Gazment Bardhi iu është përgjigjur akuzave të kreut të grupit parlamentar socialist Taulant Balla mbi procedin që PD zhvilloi për përzgjedhjen e kandidatëve.

Përmes një postimi në rrjetin social, Bardhi shkruan se Balla dhe Rama janë të shqetësuar për proceset demokratike dhe nuk durojnë dot asnjë model europian.

Sekretari i përgjithshëm tha më tej se ndonëse Balla ka ndërhyrë për të mbyllur hetimet për çështjen e Toyota Yaris, kurrë nuk do të ndalojë zbardhjen e plotë të së vërtetës, duke shtuar se vendi ka nevojë për një shpresë të re dhe për një qeveri të përgjegjshme.

?Njësoj si shefi i tij Edi Rama, Taulant Balla, është i shqetësuar nga procesi demokratik i përzgjedhjes së kandidatëve nga Partia Demokratike. Këta nuk durojnë dot asnjë model europian, si ky që ne zhvilluam dhe u konsiderua risi për të gjithë rajonin.

Ndërsa Edi Rama është i shqetësuar, se e kanë evidentuar si të vetmim Kryetar Partie që kandidatët i përzgjedh me krimin e organizuar, Taulant Balla ka patur hallin e mbylljes së hetimeve të Toyota Yaris e 3.4 milionë euro të kapura të padeklaruara. Ky është një krim i pazbardhur.

Gjyqtarët e Taulantit mund të pushojnë hetimet, por nuk do munden kurrë të ndalojnë zbardhjen e të vërtetës. Herët apo vonë, mbështetesit dhe sponsorizuesit e pastrimit të parave të krimit do të përballen me drejtësinë.

Shqipëria kërkon një shpresë të re. Shqipëria ka nevojë për një qeveri që kujdeset për qytetarët e saj – që mposht krimin, ringjall ekonominë dhe kujdeset për jetën dhe shëndetin e qytetarëve?, shkruan Bardhi. CNA.al/ 

 





Lajmet e fundit nga