web counter
LEXO PA REKLAMA!

SHKARKO APP

App Store
Google Play

E fundit!

x

Hajdari replikon me Ramën/ Zbulon skemën e vjedhjes së naftës: Rafineria punon natën

29 Tetor 2020, 14:38, Politikë CNA

Deputetja Rudina Hajdari ka replikuar me kryeministrin Edi Rama lidhur me çështjen e naftëtarëve, të cilët prej disa javësh kanë hyrë në grevë urie.

Hajdari ngriti akuzat se nafta po vidhet duke e përpunuar natën dhe duke u shitur në treg të zi pa u reegjistruar.

“Kryeministër, e dini shumë mirë se si vidhet nafta. Po e them këtu që ta dinë dhe shqiptarët. Përpunohet natën, nuk regjistrohen as hyrjet e daljet dhe shkon në treg të zi. Nuk do një shkencë të madhe që të kuptosh. Keni qenë ju që i thatë naftëtarëve që me një kompani amerikane do ju jepnit rrogat. Pse nuk shkoni atje që t’i thoni se ja premtuat pagat. Kjo duhet të jetë betejë e drejtësisë. Ftoj prokurorinë, SPAK që të hetojë. Kjo ka filluar që nga Berisha dhe vazhdon ende me ju“, u shpreh ajo, ndërsa deklarata e saj u pasua nga replika e kreut të qeverisë.

Kryeministri pretendoi se kjo nuk është e vërtetë dhe se rafineria nuk punon natën.

“Hajdari jua kam thënë dhe njëherë tjetër, të gabosh është njerëzore. Ju thatë që nafta përpunohet natën. Rafineria është e fikur. Nuk është një qiri që ndizet natën, sa hap e mbyll sytë dhe fiket me një të fryrë. Nuk ka përpunim të naftës. Nafta që del në fushën që furnizon rafinerinë është në dorën e një kompanie private. Kompania që e ka është kompani kineze, nuk ka si e vjedh. E nxjerr dhe e shet në tregjet e tjera dhe jo në atë vendas. E ulim nivelin në muhabete që nuk e di se çfarë të them. Më ndihmoni që mesazhi im të kuptohet. Të mbyllim grevën dhe të ulemi të qajmë hallin?, theksoi Rama ndër të tjera./ CNA.al





Lajmet e fundit nga