LEXO PA REKLAMA!

SHKARKO APP

Sulmi me armë ndaj biznesmenit/ Artan Hoxha plas “bombën” për Ben Blushin

17 Tetor 2020, 13:29, Kronika CNA
Sulmi me armë ndaj biznesmenit/ Artan Hoxha plas “bombën”

Gazetari investigativ Artan Hoxha ka nxjerrë në dritë të tjera detaje në lidhje me ngjarjen e rëndë të denoncuar një ditë më parë, ku biznesmeni Andon Dhima, është sulmuar me armë në hyrje të pallatit ku banon.

Nga studio e Abcnews, gazetari Hoxha tha se Andon Dhima në dëshminë e tij ai ka deklaruar para Policisë Gjyqësore se ka vetëm një konflikt me një person, ai ka identifikuar shtetasin Ben Blushi.

?Atentat i dështuar, ka ndodhur mbrëmjen e së enjtes, rreth orës 10:05 të mbrëmjes. Për fat të mirë ka dështuar se do kishim nje tjetër biznesmen të vrarë jo në Himarë, por në mes të Tiranës.

Bëhet fjalë për një ngjarje e cila në fakt ka krijuar një problematikë.

Biznesmenin e ka shpëtuar fati. Pjesa tjetër. Është një ngjarje e mbajtur në heshtje. Është dukur në fillim si e pabesueshme. Por realisht tashmë ngjarja është në hetim në prokurori. Ka dhënë dëshminë ai, djali dhe vajza e tij.

Po merret në pyetje edhe roja.

Unë apeloj që të parandalohet që kjo ngjarje të ketë vijim.

Para kësaj ngjarje biznesmeni i është drejtuar prokurorisë për të zgjidhur konfliktin që ka, i është drejtuar institucioneve, i është drejtuar me një dosje të plotë edhe ambasadës së SHBA. Ka identifikuar edhe emrin, me të cilin ka konflikt. E ka thënë vetë se ka konflikt vetëm me një person. Duhet hetuar ngjarja për shkak të kërcënimit serioz te jetës së tij.

Andon Dhima është biznesmen nga Saranda. Ka jetuar edhe në Korçë për shumë vite. Është bashkëpronar i atij pallati. Prokuroria dhe policia kanë nisur hetimet. Janë pyetur dëshmitarët.Në dëshminë e tij ai ka deklaruar para Policisë Gjyqësore se ka vetëm një konflikt me një person, ai ka identifikuar shtetasin Ben Blushi.?-tha Artan Hoxha.

CNA.al ka raportuar më pare se biznesmeni ka pasur përplasje të forta me drejtorin e Top Channel, Ben Blushi, i cili dje është thirrur në polici, për t?u marrë në pyetje në lidhje me rrethanat e kësaj ngjarje.

Kujtojmë këtu se biznesmeni A.DH. prej disa muaj është në një konflikt të hapur me ish-politikanin dhe drejtorin e Top Channel, Ben Blushi.

Një letër e gjatë drejtuar ambasadës së SHBA-ve ka zbuluar prona të përfituara nga Blushi dhe familjarët e tij, disa prej tyre shitur me vlera qesharake. Gjithashtu Ben Blushi, është akuzuar se nuk ka paguar mbi 50 mijë euro karburant, por dhe ka marrë 100 mijë euro në emër të vëllait të tij, pa folur për pjesë pasurie miliona dollarë të një pallati ndërtuar në kryeqytet i cili është vendosur në emër të ish-vjehrit të Ben Blushit./CNA.al

Video ekskluzive-Sulmi ndaj biznesmenit që denoncoi Ben Blushin/ Si i shpëtoi atentatit me armë

Lajmet e fundit nga