E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

I masakroi nënën/ Marjus Xhepa kërcënon në gjyq xhaxhain: Po u dënove do shpëtosh, nëse lirohesh ke punë me mua

23 Shtator 2020, 15:04, Kronika CNA

Lirie Xhepa, nënë e katër fëmijëve, u gjet në 13 shkurt të 2019-ës e masakruar në pranë bregut të liqenit të Sharrës në Tiranë.

Për vrasjen e saj akuzohet si autor kunati Dashamir Xhepa, për të cilin sot është mbajtur edhe një seancë gjyqësore.

Djali i viktimës Marjus Xhepa u thirr si dëshmitar, por 25-vjecari kërcënoi para togave të zeza xhaxhain e tij pas vrasjes së nënës.

Marjus Xhepa është shprehur se nëse gjykata e dënon, xhaxhai i tij do shpëtojë, por nëse do të dalë nga burgu do të ketë punë me të.

?Marrëdhëniet me xhaxhain kanë qenë shumë të këqija, ai është zënë me të gjithë njerëzit e shtëpisë. Unë personalisht kisha shtatë vite që nuk flisja me të, edhe me nënën time nuk ka folur fare. Në fillim Dashamir Xhepa zihej me të gjithë. Që nga vdekja e babait tim në vitin 2006 marrëdhënia ka qenë shumë e tensionuar me të.

Ai e shqetësonte nënën time, ndërsa ka marrë edhe një urdhër mbrojtje pasi vinte në shtëpi dhe zihej me të gjithë, kërkonte para. Nëna ime ka kërkuar urdhër mbrojtje pasi shkonte e shqetësonte edhe kur unë nuk isha në shtëpi, i shkonte prapa e ruante dhe i kërkonte para. Jam zënë me atë dhe prap pasi kalonte një javë ishte i njëjti muhabet. Nënën time e çoja vetë në punë pasi ai e shqetësonte gjithë kohës. Donte lekë, nuk e di sa i kërkonte por ai ishte pa punë. Kur e ka vrarë në ditën e ngjarjes i ka marrë 500 euro në çantë, e cila sot e kësaj dite nuk është gjetur.

Atë ditë e kam dërguar në punë në mëngjes nënën time, ndërsa pashë xhaxhain tim që u fsheh pas një makine. Kam lënë nënën tek fabrika e këpucëve ku punonte dhe jam larguar për në Fier pasi kisha vëllain në bùrg atje. Jam kthyer nga Fieri në orën 21:00, nuk e gjeta nënën time aty, gjeta vetëm vëllain tim të vogël, Romeon. E pyeta dhe më tha që nëna ishte kthyer nga puna por kishte dalë dhe kishte ikur poshtë (në Kombinat). Kam pritur zgjuar deri në orën 23:00, isha shumë i lodhur, dhe më ka zënë gjumi.

Në mëngjes erdhi policia te shtëpia, e cila më ka zgjuar. Ata kishin gjetur nënën time të vdekur. Trupin e pajetë e kishin parë fillimisht njerëzit e zonës në një distancë 300-400 metër nga banesa, të cilët kanë thirrur policinë. Isha te vendi i ngjarjes, ndërsa policia më ka thirrur për të identifikuar trupin. Dashamir Xhepa më ka thënë para shtatë viteve që do më vriste nënën, por unë i thoja që të merrej me mua. Pas ngjarjes Dashamirin nuk e kam parë fare, ishte zhdukur, nuk ishte në ceremoninë e varrimit. Jam parë për herë të fundit me të në gjykatë. Ai po u dënua me burg shpëton, unë e dua jashtë atë. Dashamir Xhepa më ka vrarë nënën. Unë nuk e di a ka patur njeri tjetër kur ka ndodhur vrasja dhe nëse e ka parë dikush atë. Ju më kuptoni, unë po dridhem i tëri (i tensionuar). Atë që ka bërë ai (xhaxhai) e bën një legen. Legen pasi nuk u mor me mua, por u mor me një femër. Përveç konfliktit të lekëve nuk ka patur shkaqe të tjera për ta vrarë nënën time, nuk është e vërtet që ka patur çështje simpatie apo lidhje sentimentale?, ka deklaruar i riu.

Ndërkohë, senaca u shoqërua me tensione, pasi xhaxhi ai tij ka mohuar deklaratat e Marjusit dhe e ka akuzuar se nuk po tregonte të vërtetën.

Ndërkohë, vendimi për Dashamir Xhepën pritet të jepet në seancën gjyqësore të radhës./ CNA.al