web counter
LEXO PA REKLAMA!

SHKARKO APP

Dhunoi dhe plagosi me thikë të moshuarin në lokal/ Kapet në Durrës autori i ngjarjes

21 Shtator 2020, 20:53, Kronika CNA

Është vënë në prangat e policisë autori i plagosjes në Kavajë.

Shtetasi Riza Aliu dhunoi dhe plagosi me thikë në ambientet e një lokali 60-vjeçarin Besnik Çelmeta.

Ngjarja kriminale u regjistrua mbrëmjen e 17 shtatorit në një lokal, ndërsa që nga ngjarja Aliu ishte në kërkim.

Burime nga policia bëjnë me dije se ai është kapur në plazh në Durrës nga policia e Kavajës.

Kamerat e sigurisë së lokalit kanë filmuar të gjithë ngjarjen e rëndë, ku autori Riza Aliu shikohet teksa hyn me nxitim në lokal duke ndjekur Besnik Çelmetën.

Pastaj autori nxjerr një thikë dhe e godet disa herë.

Një tjetër person futet brenda dhe bind autorin të largohet, i cili shihet me thikë në dorë teksa lë lokalin.

 





Lajmet e fundit nga