web counter
LEXO PA REKLAMA!

SHKARKO APP

App Store
Google Play

“Po ushqehen me gjoba si banda”/ Rudina Hajdari: Administrata s’duhet të jetë fole militantësh

16 Shtator 2020, 17:55, Politikë CNA

Deputetja Rudina Hajdari ka bërë një thirrje të fortë për qytetarët, teksa ka treguar historinë e falimentimit të biznesit të një qytetari të quajtur Shkëlqim.

Hajdari rrëfen se Shkëlqimi ka falimentuar për shkak të gjobave të shumta të Tatimeve ndonëse pretendon se ai ishte një taksapagues i rregullt.

Duke marrë shkas nga ky rast, deputetja deklaron se administrata nuk duhet të jetë fole militantësh që ushqehen me gjoba si banda, ndaj kërkon që qytetarët t?i bashkohen  në nismën që ka ndërmarë.

Dua të ndaj sot një histori të hasur në një nga takimet e shumta që po zhvilloj këto ditë me qytetarët.

Shkëlqimi është një nga shqiptarët që 10 vite më parë vendosi ta lerë emigracionin dhe të rikthehet në atdhe. Hapi një biznes me kursimet e tij dhe filloi të bënte tregti me ndershmëri ashtu siç e ka tradita e shqiptarit të mirë.

Teksa arriti ta konsolidojë, edhe pse i rregullt me pagesën e taksave, filluan t?i shfaqen në derë njerëz me uniformë e blloqe gjobash në duar, të cilat i përdornin si presion duke kërkuar rryshfet. Presion mbas presioni, e gjobë mbas gjobë, Shkëlqimi u detyrua ta mbyllë biznesin.

Kjo nuk është vetëm historia e Shkëlqimit, por është historia e çdo shqiptari të thjeshtë e të ndershëm. Për 30 vite shteti në vend të shërbente si mik i biznesit dhe inkurajues i ndershmërisë, u kthye në simbol të fatkeqësisë e falimentimit. Ne duhet të bashkohemi që shtetin t’ia kthejmë njerëzve si Shkëlqimi.

T’ia kthejmë qytetarit të thjeshtë. Të mos jetë më kurrë administrata fole militantësh që ushqehen me gjoba si banda por të jetë ushtria e mirë në ndihmë të njerëzve të ndershëm. Do ta bëjmë këtë! Jam e bindur!?, shkruan ajo në rrjetet sociale./ CNA.al





Lajmet e fundit nga