E fundit!

09:46 Aktualitet

Fotolajm/ Vip-at e paguar nga Veliaj që protestojnë kundër Ramës

Një pjesë e personazheve publikë, të ashtuquajturit “VIP”-...

Pse braktisa demokratët për të mbështetur presidentin Donald Trump

29 Gusht 2020, 06:24, Blog CNA

Nga Vernon Jones ?CNN?

* Të hënën në mbrëmje, unë mbajta një fjalim në Konventën Kombëtare Republikane në mbështetje të presidentit të Shteteve të Bashkuara të Amerikës. Mendoni pak: këtë nder të madh e pati një zezak i rritur në jugun e SHBA-së, që ishte dikur shumë racist.

Prindërit e mi patën një arsimim shumë modest, por ata më dhanë mua një sistem vlerash të pashlyeshme, të cilat hodhën bazat për të qenë i suksesshëm më vonë në jetë. Ata e vunë theksin tek rëndësia e të punuarit shumë, tek të trajtuarit të tjerët me respekt, dhe tek pasja gjithmonë besim tek Zoti i Plotfuqishëm.

Pa dashurinë dhe mbështetjen e tyre të pakushtëzuar, unë nuk do të isha njeriu që jam sot. Unë u kam atyre borxh gjithçka kam arritur deri më sot. Jam i sigurt se shumë njerëz që më ndoqën të hënën në mbrëmje, u habitën me pjesëmarrjen time në Kongresin Kombëtar Republikan për të mbështetur presidentin Donald J.Trump.

Dhe nuk i bëj me faj. Afro-amerikanët e mi, prisnin që unë t?i përshtatesha një modeli të caktuar, dhe të mendoja në një mënyrë të caktuar. Ne kemi qenë të kushtëzuar të mbështesim verbërisht Partinë Demokratike, duke mos u larguar kurrë nga ?plantacioni mendor? që ajo ka pasur mbi ne për më shumë se gjysmë shekulli.

Qëllimi i fjalimit tim, ishte të shërbeja si një lloj shoku kulturor, dhe të ndihmoja të tjerët të çlirohen nga ?prangat? e mendimeve që diktojnë mbi ne liberalët e bardhë. Amerikanët me ngjyrë si unë, janë njerëz të lirë me mendje të lira. A e keni dëgjuar Xho Bajdenin se çfarë thotë?

Ne nuk jemi një grup monolit të menduari, që i nënshtrohemi orë e çast dëshirave elektorale të demokratëve. Pasi ndoqa fushatën presidenciale të vitit 2016, presidenti Trump m?u duk se ishte një nga kandidatët e vetëm republikanë që e njohu këtë gjë. Ai e demaskoi atë që unë besoj se është një narrativë e rremë e demokratëve, sipas së cilës Partia Republikane nuk kujdeset për afro-amerikanët.

Trump u tha fjalët e famshme dhjetëra miliona afro-amerikanëve në SHBA:?E çfarë dreqin keni për të humbur??. Në mënyrë të parashikueshme, mediat kryesore të liberalëve, dhe njerëzit politikisht korrektë, e humbën toruan.

Si guxonte një politikan si Donald Trump të përpiqej të merrte mbështetje matanë gardhit ë tij partiak, dhe të inkurajonte votuesit zezakë që t?i jepnin një shans?! Unë i jam shumë mirënjohës që ai e bëri këtë gjë. Që nga marrja e detyrës, presidenti Trump e ka fituar mbështetjen dhe besimin e të gjithë afro-amerikanëve.

Ai është një politikan që ka ndikuar pozitivisht në komunitetin tonë. Presidenti Trump siguroi fondet jetike për kolegjet dhe universitetet, që kanë qenë historikisht të dominuara nga zezakët. Si një i diplomuar krenar në Universitetin Qëndror të Karolinës së Veriut, unë e di se sa e rëndësishme është kjo për djemtë dhe vajzat e reja me ngjyrë, që punojnë shumë për të arritur ëndrrat e tyre amerikane.

Presidenti Trump kreu ndërkohë një reformë historike në drejtësinë penale. Ai nënshkroi Aktin e Hapit të Parë, që ndihmoi në reduktimin e numrit të të burgosurve me ngjyrë, pjesërisht për shkak të Ligjit mbi Krimin të vitit 1994, që në atë kohë kishte mbështetje të gjerë dypartiake.

Le të mos harrojmë se kush ndihmoi në hartimin e dhe miratimin e atij ligji të administratës së Bill Klintonit:Xho Bajden. Për të treguar sesi ai ligj kontribuoi në burgosjen masive të zezakëve – pavarësisht se Bajden e mohon këtë gjë ? mjafton të kujtoni se si e përshkroi vitin e shkuar senatorja e Kalifornisë, e nominuara aktuale e Xho Bajden për zv/presidente, Kamala Harris:?Ai projektligj i vitit 1994, ndihmoi në burgosjet masive në vendin tonë.

Ai financoi ndërtimin e më shumë burgjeve në shtetet tona?.

Për fatin e mirë të afro-amerikanëve, presidenti Trump po vazhdon të ndryshojë trashëgiminë e dështuar të Xho Bajdenit. Presidenti Trump adresoi problemet aktuale me të drejtat civile, sikurse është zgjedhja e shkollës.

Presidenti dhe administrata e tij, mbështesin bindjen themelore se asnjë fëmije në Amerikë – i bardhë apo i zi – nuk duhet t?i mohohet e drejta për të pasur një arsimim me cilësi të lartë, dhe ata po miratojnë politikat që lejojnë më shumë fëmijë të ndjekin shkollat që duan.

Kjo është veçanërisht e rëndësishme për fëmijët në komunitetet e pakicës, të cilët në mënyrë disproporcionale shkojnë në shkolla që kanë më pak burime dhe mësues më pak të kualifikuar. Pavarësisht pohimeve të neveritshme nga media e majtë, unë nuk kam marrë asnjë shumë parash për mbështetjen time.

Presidenti Trump e ka fituar më punë mbështetjen time. Veprat flasin shumë më shumë se sa fjalët, dhe veprimet historike të ndërmarra nga presidenti Trump gjatë gjithë kohës që ka qenë president i SHBA, e kanë përmirësuar jetën e shumë amerikanëve – të çdo race, prejardhjeje, feje dhe besimi. Kjo është arsyeja pse në 3 nëntor unë do të votoj për presidentin Trump. Kam besim se miliona të tjerë në shumicën e heshtur, do të bashkohen me mua në këtë qëndrim./ Përshtatur nga CNA.al