web counter
LEXO PA REKLAMA!

SHKARKO APP

App Store
Google Play

E fundit!

x

Vendosi eksploziv në banesën e 17-vjeçares/ Identifikohet dhe shpallet në kërkim autori në Fushë-Krujë

13 Korrik 2020, 07:33, Kronika CNA

Identifikohet dhe shpallet në kërkim personi i cili dyshohet se mesnatën e kaluar vendosi tritol prtanë banesës së një 17-vjeçareje në Fushë-Krujë për të cilën dyshihet se është abuzuar seksualisht më parë nga disa persona.

Lidhur me ngjarjen ka reaguar edhe policia e cila bën me dije se në ambientin e jashtëm të banesës së shtetases M. F., në Fushë Krujë, është gjetur një pako brenda së cilës dyshohej se kishte lëndë plasëse, e cila nuk ka shpërthyer.

Autori i dyshuar i kësaj ngjarje dhe që tashmë është i shpallur në kërkim, është shtetasi A. B., dhe po punohet për kapjen e tij.

?Hodhi një pako me lëndë plasëse artizanale në ambientet e jashtme të një banese, por pa shkaktuar shpërthim, Policia në kohë rekord identifikon dhe shpall në kërkim autorin e dyshuar të ngjarjes. Më datë 12.07.2020, rreth orës 23:00, në ambientin e jashtëm të banesës së shtetases M. F., në Fushë Krujë, është gjetur një pako brenda së cilës dyshohej se kishte lëndë plasëse, e cila nuk ka shpërthyer.
Menjëherë në vendngjarje kanë shkuar forcat antieksploziv të RENEA-s dhe pas verifikimeve ka rezultuar se brenda pakos kishte një sasi të vogël lëndë plasëse artizanale. Si rezultat i hetimeve grupi hetimor ka bërë të mundur identifikimin e autorit të dyshuar të kësaj ngjarjeje, i cili është shtetasi A. B., dhe po punohet për kapjen e tij.?, njofton policia./CNA.al





Lajmet e fundit nga