Rruga Qukës-Qafë Plloçë, turpi i Ramës dhe ARRSH-së

6 Korrik 2020, 12:40, Politikë CNA

Autoriteti Rrugor Shqiptar deklaroi sot se po vazhdon puna në dy lote të rrugës Qukës-Qafë Plloçë.

Sipas njoftimit të bërë nga ARRSH, aktualisht kanë përfunduar gjithë punimet civile në tunelet 1, 2 dhe në tunelin 3 të daljes së emergjencës, përfshirë edhe lyerjen e tyre si dhe po punohet me ndërtimin e shtresave të stabilizantit, me qëllim asfaltimin e shpejtë të tuneleve dhe pjesës midis tyre.

Në fakt ajo çfarë ka bërë ARRSH, është thjeshtë dhe vetëm një propagandë mashtruese, siç ka bërë këto shtatë vite qeveria e Rilindjes dhe kryeministri Rama në këtë aks rrugor. E ka inauguruar disa herë, dhe rruga nuk ka përfunduar kurrë. Duhej të kishte përfunduar vite më parë.

Ka pasur të gjitha fondet e gatshme, kredinë e firmosur dhe gjithçka ka qënë e kontraktuar. Ngelej vetëm tenderi. Tentoi ta anullonte në 2013, e shtyu më shumë sesa një vit dhe ka gjashtë vite që nuk e përfundon dot.

Sot ARRSH është përballë turpit, së bashku me Ministrinë e Transportit, dhe vetë kryeministrin Edi Rama.

Edi Rama është përgjegjës për këtë rrugë.

E para sepse tentoi ta anullonte, më pas e vonoi dhe tani nuk po e përfundon.

Një rrugë që do t?i japë një frymë të madhe qarkut të Korçës dhe zonës turistike në Korçë, në Pogradec, në Dardhë dhe Voskopojë, apo edhe në Kolonjë dhe përtej, drejt kufirit me Greqinë.

ARRSH-ja gënjen publikisht duke thënë se po punohet në dy tunele dhe një urë. Por, çfarë vlere ka kjo kur në lotin e tretë të rrugës, gjithçka është bllokuar. Segmenti rrugor nuk janë dy tunele dhe një urë, por janë tre lote që duhet të ndërtohen.

Në lotin e tretë që fillon nga Qafë-Plloça drejt Qafë-Thanës, punimet janë bllokuar tërësisht.

Është pjesa e rrugës panoramike drejt Pogradecit, ka shumë ura dhe një investim kolosal. Është ndoshta loti më i rëndësishëm i kësaj rruge.

Këto tunele që ARRSH-ja na tregoi sot, Edi Rama, Niko Peleshi & Co, na e kanë treguar vite më parë, nëpërmjet disa fotove që bëheshin në rrugë.

CNA.al ka shkruar dhe ka raportuar disa herë në lidhje me këtë rrugë, e cila nuk përfundoi kurrë.

Dhe tani nuk kanë bërë gjë tjetër, veçse e kanë lyer me bojë dhe iu kanë hedhur çakull tuneleve, dhe e shesin si një punë të madhe që po bëhet.

Në fakt mediat dhe kamerat duhet të shkojnë që të tregojnë se ç?po ndodh në lotin e tretë, ku askush nuk po punon. Asnjë centimetër rrugë nuk po investohet.

Si mund të përfundojë një rrugë, kur dy lote po punojnë ndonjë tunel, ndërsa loti i tretë nuk po punon fare? Si dhe kur mund të përfundojë kjo rrugë?

Kështu mund ta bëjnë vetëm këta ?ustallarët? e ARRSH-së apo të Rilindjes./ CNA.al

Foto ekskluzive/ Rruga Qukës-Qafë Plloçë, segmenti i lënë në mëshirë të fatit, nuk mbaron prej një dekade

Rrugët e lëna rrugëve/ Si gënjeu publikisht kryeministri për aksin Qukës-Qafë Plloçë

Gjiknuri e Ahmetaj inspektojnë kantierin e rrugës Qukës-Qafë Plloçë/ Ja kur do jetë funksionale

Foto-Video/Hapet tuneli në rrugën Qukës-Qafë Plloçë