web counter
LEXO PA REKLAMA!

SHKARKO APP

App Store
Google Play

Sali Berisha takon Avdullah Hotin/ “Ka marrë një mision tejet të rëndësishëm”

3 Korrik 2020, 16:00, Politikë CNA

Gjatë vizitës në Tiranë, kryeministri i Kosovës Avdullah Hoti, është pritur në zyrë edhe nga ish-kryeministri Sali Berisha.

Lajmin e ka bërë të ditur Berisha në një postim në rrjetet sociale, ku deklaron se e uroi për detyrën dhe misionin që ka ndërmarrë.

Në këtë takim pata rastin t?i uroj direkt zotit Hoti suksese në detyrën e lartë dhe misionin tejet të rëndësishëm të Kryeministrit të Republikës së Kosovës që i besoi koalicioni qeveritar i kryesuar nga Lidhja Demokratike e Kosovës?, shkruan ai.

Më tej, ish-kryetari i demokratëve thotë se i përcolli një mesazh kreut të LDK-së Isa Mustafa, me të cilin thotë se ka pasur bashkëpunim që në themelimin e PD-së.

?Gjatë takimit diskutuam gjerësisht mbi rëndësinë jetike të bashkëpunimit midis dy vendeve tona dhe për projektet kryesore që mund të ndërmerren në të gjitha fushat, në kuadrin e këtij bashkëpunimi bilateral por edhe rajonal.

Zoti Hoti më përcolli urimet dhe përshëndetjet e kryetarit të LDK zoti Isa Mustafa dhe unë përfitova nga ky rast për t?i dërguar zotit Mustafa urimet e mia më të mira dhe mirënjohjen e thellë për bashkëpunimin miqësor e të frytshëm që kemi patur njëri me tjetrin dhe midis dy partive tona që në themelimim e PD e në vazhdim. Takimi ishte i hapur dhe kaloi në frymën e mirëkuptimit të plotë?, thekson Berisha./ CNA.al





Lajmet e fundit nga