Connect with Us

Fakti/ Lulzim Basha do ulë taksat për oligarkët

Politikë

Fakti/ Lulzim Basha do ulë taksat për oligarkët

Publikuar

-

Bashës i “çmontohet” partia/ 30 kryetarë degesh japin dorëheqjen

Prej disa ditësh në mënyrë të përsëritur, Luli Basha dhe njerëzit rreth tij argumentojnë me tabela dhe shifra taksën 9% që ai e ka shpallur që në zgjedhjet e vitit 2017, atëherë kur reklamonte edhe Republikën e re.ps ftese per nanon

Një taksë 9%, një taksë e sheshtë, ashtu siç ka qënë edhe gjatë qeverisjes Berisha, e cila u vendos pas taksave progresive të Fatos Nanos, dhe ishte në vlerën 10%.
Socialistët në atë kohë thanë se taksa 10% ishte e padrejtë, sepse ai që merte më shumë, duhej të paguante më shumë dhe e goditi shtresën e mesme, duke e çuar në një taksë e cila shkonte deri në 23%.

Por, çfarë po ndodh konkretisht me lëvizjen e Lulzim Bashës dhe kush janë argumentat e taksës së re 9%?

Fakti. Rikthimi i taksës së sheshtë 9% do të ishte një akt shumë pozitiv për ekonominë e vendit, do t’i jepte një frymë biznesit të vogël, biznesit të mesëm, kryesisht atij familjar apo edhe atyre bizneseve të mëdha që paguajnë TVSH apo që janë të regjistruara me vlera mbi tetë milion lekë apo deri në vlerën 14 milionë lekë të reja xhiro, të cilat quhen biznese të mëdha apo fasha që shpesh lëvizen nga qeveria, një herë me tatim-fitimin 5% dhe pastaj iu vendoset TVSH-ja, e kështu me radhë.

Kjo fashë biznesi, pra nga zero deri në 14 milionë lekë të reja, apo 140 milionë lekë të vjetra, sipas një akti të përgatitur nga qeveria “Rama”, do të ketë taksë zeri deri në vitin 2029 dhe do t’i hiqet TVSH-ja. Pra, janë dhjetëra mijë biznese, të cilat nuk do të kenë tatimin e fitimit 5% apo TVSH-në 20% apo divident 15%, por zero. Gati 90% e bizneseve.

Kjo lëvizje e qeverisë, bën që propozimi elektoral i Lulzim Bashës për të bërë 9% taksë të sheshtë, këtu të bjerë dhe të ketë një tjetër aspekt.
Rama deklaron zero përqind taksa deri në vitin 2029, Lulzim Basha thotë 9% taksë të sheshtë.
Pra, ata që do të përfitojnë nga taksa e Bashës, në rast se do të vijë në pushtet, janë administrata shtetërore, e cila do të kursejë 3 apo 4 mijë lekë të vjetra dhe biznesi i madh që taksohet 15%.

LEXO EDHE:  “Zgjedhje të vetë-vjedhura”/ Basha sulmon Ramën

Pra, mesa duket njeriu i cili flet gjithë ditën oligarkët, oligarkët dhe sulmon biznesin duke u sjellë si një bandë gjobaxhinjsh të pandreqshëm, tani iu shërben atyre duke iu ulur taksën nga 15 në 9%. Pa folur dhe për taksimin e rrogave, i cili shkon në 23%.

Shumica e shqiptarëve aktualisht paguajnë taksën 15% dhe janë kryesisht shtresa e mesme, vetëpunësimi, biznesi i vogël, shumica të cilët paguajnë një taksë 15% minimumi. Pa folur pastaj për tatim-fitimin dhe dividentin.

Kurse taksën mbi 15% e kanë një pjesë më e pasur mbi mesatare, ku përfshihen ndoshta gazetarët e shumëpaguar në media, drejtues dhe menaxherë të cilët marrin nga dhjetëra milionë lekë dhe detyrohen të paguajnë 23% taksë. Apo në rastin tjetër, biznesi i madh me xhiro mbi 140 milionë lekë, i cili tani nga 15% që paguan taksa, sipas Lulzim Bashës, me ardhjen e tij në pushtet do të paguajë 9%. Kjo vlen edhe për ata miliarderët apo kapitalistët, që Lulzim Basha i quan oligarkë.

Ndërkohë që Edi Rama heq taksën dhe e çon zero, Lulzim Basha thotë se do të vë taksë 9% në interes të oligarkëve që ai gjoja i sulmon, por me oligarkët ndan bizneset, me oligarkët ndan vilat, tek oligarkët shërben, tek oligarkët fle, tek oligarkët gëdhihet, tek oligarkët ushqehet.

Prandaj dhe reklamon një taksë 9% e cila në vetvete do të kishte vlerë në rast se biznesi i vogël dhe i mesëm do të kishte një taksë 15%. Por, kur ajo çohet zero, heqja e taksës dhe ulje e saj në 9% ndaj biznesit të madh dhe oligarkëve, dhe lukunisë të atyre që kanë mbushur xhepat duke abuzuar, nuk tregon gjë tjetër, por se Lulzim Basha është thjeshtë dhe vetëm një njeri me dy fytyra i cili nga njëra anë sulmon publikisht biznesin dhe iu thotë oligarkë apo të pasur që vidhnin me qeverinë, dhe nga tjetër del e deklaron se ai kur të vijë në pushtet do t’iua bëjë atyre taksën 9%.

Nga ana tjetër duket qartë se të dy po bëjnë propozime elektorale dhe asnjëri nuk po e vret më mendjen për pasojat e taksave, që nga ato 0 apo dhe ato 9%./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Rama pret Avdullah Hotin/ Zbardhet axhenda e kryeministrit të Kosovës

Publikuar

-

Nga

Kryeministri i Kosovës Avdullah Hoti ndodhet në Tiranë, për një vizite zyrtare ku do të takohet me zyrtarët e lartë të shtetit shqiptar.

Kryeministri i Kosovës, Avdulla Hoti është pritur nga kryeministri Edi Rama me një ceremoni zyrtare në Pallatin e Brigadave.

Vizita e Hotit vjen pas vizitës 2 ditore të kryeministrit Rama në Kosovë, ku u takua me krerët e partive politike, ndërsa shprehu edhe mbështetjen për Hashim Thaçin dhe Kadri Veselin pas aktakuzës për krime lufte të Prokurorisë së Posaçme të Hagës.

LEXO EDHE:  Basha flet me heshtjen e tij/Frikë apo paaftësi?

LEXO EDHE:  Rama: Të fillojnë procedurat për shkarkimin e kryebashkiakut

Axhenda e Avdullah Hotit sot në Tiranë
Ora 10.10 – Takim ndërmjet dy Kryeministrave
Ora 10.15 – Takim mes dy delegacioneve
Ora 11.30 – Konferencë e Përbashkët për Shtyp
Ora 13:10 –Takim me Presidentin e Republikës së Shqipërisë, Ilir Meta në Presidencë
Ora 14:00 -Takim me Kryetarin e Kuvendit të Shqipërisë, Gramoz Ruçi
Ora 14:45 -Takim me Kryetarin e Bashkisë së Tiranës, Erion Veliaj
Ora 15:30 –Takim me Kryetarin e Partisë Demokratike, Lulzim Basha./CNA.al

LEXO TE PLOTE

Politikë

Koronavirusi/ 40 shtete amerikane me infeksione në rritje

Publikuar

-

Nga

Udhëheqësit botërorë nuk mund të zgjedhin mes ekonomisë dhe shpëtimit të jetëve të njerëzve, tha eksperti më i lartë i sëmundjeve infektive.

“Pra le të bëjmë të mundur që shëndeti publik të na ndihmojë të hapim ekonominë”, tha doktor Anthony Fauci të enjten për gazetën e rrjetit të Shoqatës Mjekësore amerikane. Zoti Fauci foli ndërsa guvernatorët në të gjithë Shtetet e Bashkuara po mbyllin edhe një herë baret dhe restorantet dhe po vendosin kufizime për shkak të një rritje në nivele alarmante të rasteve të reja me COVID-19.

Dyzet nga 50 shtete kanë raportuar një rritje të rasteve të reja dhe ato po shënojnë çdo ditë shifra rekord. Rritja e infeksioneve i është atribuar pjesërisht asaj që guvernatori i Nju Xhersit Phil Murphy e quajti “sjellje kokëforte” e njerëzve që nuk vendosin maska ose nuk ruajnë distancën fizike.

“Ndodhemi nën një pandemi të pashmbullt”, tha zoti Fauci. “Nuk kemi parë diçka të tillë prej 102 vitesh dhe kjo është diçka që duhet ta marrim shumë seriozisht sepse ka shumë ndërlikime lidhur me të”.

Zoti Fauci është pjesë e grupit të punës që menaxhon masat ndaj koronavirus në Shtëpinë e Bardhë të udhëhequr nga Nënpresidenti Mike Pence.

Gjatë një interviste për rrjetin televiziv CNBC zoti Pence tha se administrata Trump do të “vazhdojë me hapjen e Amerikës” ndërsa do të marrë masa për zbutjen e numrit të të prekurve me COVID-19.

“Ne po mbështesim plotësisht përpjekjet që qeveritarët dhe zyrtarët lokalë të shëndetit janë duke ndërmarrë për të inkurajuar njerëzit të praktikojnë një higjenë të mirë, distancim social si dhe të vendosin maska, atje ku distancimi fizik nuk është i mundur”, tha zoti Pence. Ai i bëri jehonë pohimit të Presidentit Donald Trump se nuk ka nevojë për një urdhër në nivel kombëtar për ta vendosur maska me detyrim. Në kushtet kur mbi 20 vaksina të mundshme po zhvillohen aktualisht në të gjithë botën, zoti Fauci i tha “JAMA-s” se ekspertët duhet ta dinë që në fillim të dimrit nëse njëra prej tyre është e sigurt dhe efektive dhe se ai shpresonte që 200 milionë doza të jenë në dispozicion të SHBA-së.

LEXO EDHE:  Ushtari i diktaturës në krye të SPAK/ Hije dyshimi mbi integritetin e anëtarëve

LEXO EDHE:  Rama: Të fillojnë procedurat për shkarkimin e kryebashkiakut

“Shumë vaksina potenciale janë në faza të ndryshme të zhvillimit”, tha zoti Fauci. “Ne shpresojmë që një ose më shumë prej tyre mund të tregojnë një shkallë të mirë të sigurisë dhe efikasitet”, tha ai duke shtuar se shpresonte gjithashtu që cilido vend që do të jetë i pari që do të zhvillojë një vaksinë efektive ta vendosë atë në dispozicion për pjesën tjetër të botës.

Universiteti Johns Hopkins raportoi 50.700 raste të reja me koronavirus të enjten, një tjetër rekord ditor për SHBA-në.

Ekspertët parashikojnë një fundjavë të vështirë që përkon me festimet me rastin e Ditës së Pavarësisë së vendit të shtunën. Florida dhe Kalifornia kanë mbyllur plazhe dhe shfaqjet me fishekzjarreve në të gjithë vendin janë anuluar.

Guvernatori i Teksasit Greg Abbott lëshoi një urdhër ekzekutiv të enjten, duke kërkuar që popullata në ato lokalite në të gjithë shtetin me të paktën 20 raste me koronavirus, të vendosë maska.

“Vendosja e maskës në publik është provuar të jetë një nga mënyrat më efektive që kemi për të ngadalësuar përhapjen e COVID-19”, tha zoti Abbott.

Një komision i Kongresit i udhëhequr nga demokratët kritikoi të enjten administratën Trump për atë që ata thanë se janë probleme në shpërndarjen e pajisjeve mbrojtëse dhe të testimit për identifikimin e virusit.

“Kemi nevojë për veprim urgjent nga qeveria federale, përpara se ky virus të dalë jashtë kontrollit”, tha demokrati i Karolinës së Jugut James Clyburn. Zyrtarët e administratës i kanë në mbrojtje masave të marra nga Shtëpia e Bardhë kundër pandemisë duke thënë se ata filluar të sigurojnë pajisje që në muajin mars. Disa republikanë të komisionit thanë se Kongresi duhet të shqyrtojë nëse Kina fshehu informacione jetike rreth virusin kur ai shpërtheu për herë të parë në muajin dhjetor./VOA

LEXO TE PLOTE

Politikë

Andi Përmeti: Do bashkohem me Bashën vetëm nëse mbështet ndryshimin e sistemit

Publikuar

-

Nga

Andi Përmeti: Do bashkohem me Bashën vetëm nëse mbështet ndryshimin e sistemit

Deputeti i Bindjes Demokratike, Andi Përmeti, ka treguar se kur ai dhe partia në të cilën bën pjesë mund të bashkohen me kryetarin e Republikës së Re Lulzim Basha.

Përmeti tha se do të bashkohen me Bashën vetëm nëse ai do të mbështesë ndryshimin e sistemit, që është një nga kërkesat kryesore të Bindjes Demokratike.

LEXO EDHE:  Ushtari i diktaturës në krye të SPAK/ Hije dyshimi mbi integritetin e anëtarëve

LEXO EDHE:  Deputeti i PD-së publikon dosjen e ish-sigurimit

“Unë dhe Bindja Demokratike bashkohemi me Bashën dhe këdo tjetër që mbështet ndryshimin e sistemit. Unë them që sistemi do ndryshohet”, deklaroi ai në emisionin “Real Story”./ CNA.al

LEXO TE PLOTE