web counter
LEXO PA REKLAMA!

SHKARKO APP

App Store
Google Play

ISHSH pezullon aktivitetin në një fasoneri dhe pikë karburanti/ Gjobit 6 biznese të tjera

28 Qershor 2020, 14:46, Kronika CNA

Inspektorati Shtetëror Shëndetësor ka vendosur 9 masa administrative gjatë ditës së sotme në qarqet Durrës, Shkodër, Vlorë, Tiranë..

Mësohet se konkretisht ka marrë 3 vendime të ndërmjetme për pezullim të aktivitetit në fasoneri dhe pikë karburanti, si dhe janë vendosur 6 masa administrative me gjobë në bar-kafe, restorante, argjendari.

Gjobat janë vendosur në vlerën 100 000 lekë për çdo subjekt të gjetur në shkelje të protokolleve të sigurisë të miratuara nga Ministria e Shëndetësisë për mbrojtjen nga COVID-19.

Ministria e Shëndetësisë dhe Mbrojtjes Sociale kërkon nga qytetarët zbatimin e masave të distancimit sociale, higjenës personale dhe përdorimin e maskave në vendet e mbyllura të rekomanduara. Gjithashtu ju kërkon institucioneve dhe bizneseve të zbatojnë në mënyrë strikte protokollet e sigurisë.

ISHSH njofton se Inspektorët shëndetësore do të vijojnë punën në terren për ndërgjegjësimin e subjekteve për zbatim të protokolleve të sigurisë me zero tolerancë në bare, restorante, subjekte tregtare, institucione publike etj, me qëllim parandalimin e përhapjes së koronavirusit COVID-19 dhe ruajtjen e shëndetit të qytetarëve./ CNA.al





Lajmet e fundit nga