web counter
LEXO PA REKLAMA!

SHKARKO APP

App Store
Google Play

Drejtoria e Transportit fal taksën vjetore për mbi 7 mijë automjete/ Ja kategoritë që përfitojnë

6 Maj 2020, 14:35, Sociale CNA

Duke marrë shkas nga situata ekonomike e krijuar nga Covid-19, Drejtoria e Transportit Rrugor ka vendosur që të falë taksën vjetore për 7204 automjete.

Lajmin e ka bërë të ditur kryeministri Edi Rama në një postim në rrjetet sociale, ku tregon kategoritë që përfitojnë

“Një rast i bukur ku një ent publik me vetëfinancim, nisur dhe nga rezultatet e mira për 2019-ën ofron, nga të ardhurat e veta të akumuluara, të mbulojë 100% taksën vjetore (tvmp), për gjithë vitin 2020, për 7,204 mjete!

Nga kjo paketë solidare e dpshtrr-së në vlerën 170,194,500 lekë përfitojnë 7,204 mjete të kategorisë: autobus (mbi 8+1), transport qytetës, transport rrethqytetës, transport ndërqytetës, shërbime të rastit (turistik brenda e jashtë vendit), ndërkombëtar të rregullt, transport për personele, transport për llogari të subjekteve brenda e jashtë vendit!

Ky akt mbështet njëkohësisht subjektet e lartpërmendura, buxhetin e shtetit dhe direkt bashkitë! Institucionet përgjegjëse do të mundësojnë që brenda majit kjo paketë të hyjë në fuqi!”, shkruan Rama, ndërsa thekson se ata që i kanë paguar, do të kompensohen në momentin e pagesës së taksës vjetore pasardhëse të automjeteve të përdorura./ CNA.al





Lajmet e fundit nga