E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fotoja e të riatdhesuarve në avionin Air Albania/ Ministria e Infrastrukturës: Disinformim i qëllimshëm

3 Maj 2020, 14:53, Politikë CNA

Ditën e sotme ka qarkulluar në rrjetet sociale një foto e shqiptarëve që po riatdhesohen nga Frankfurti me aivionin Air Albania, ku shihet se ata qëndrojnë si të jenë në urban dhe nuk mbajnë distancë sociale.

Për këtë ka reaguar edhe Ministria e Infrastrukturës dhe Energjisë, e cila thotë se ky është një disinformim i qëllimshëm në një moment kaq delikat kur informacionet për publikun duhet të jenë më realiste se kurrë.

Ministria e Infrastrukturës dhe Energjisë pretendon se të gjitha fluturimet e kryera nga Air Albania, për llogari të procesit të riatdhesimit, po kryhen në përputhje të plotë me rregulloret ndërkombëtare të aviacionit.

“Shprehim keqardhjen tonë për fotot e shpërndara në disa gazeta dhe portale, të shkrepura në momentin e akomodimit të pasagjerëve në bord (pra kur avioni ndodhet në tokë) duke pretenduar se pasagjerët kanë udhëtuar në këmbë. Çdo fluturim ka në bord aq pasagjerë sa ka edhe vende të disponueshme me rrip sigurie dhe në disa raste avionët fluturojnë dhe me më pak pasagjerë se kapaciteti maksimal, në varësi të kërkesës. Ky fakt është lehtësisht i verifikueshëm nga numri i pasagjerëve që kalojnë pikën kufitare të Rinasit dhe vendeve të disponueshme sipas tipit të avionit, ndaj mund të kthehet në ditët në vazhdim në një argument të fortë ligjor, për t?u përballur para drejtësisë me ata individë apo portale, të cilët abuzojnë qëllimisht prej ditësh me këtë proces jetik, në kuadër të masave të marra nga Qeveria Shqiptare për parandalimin e përhapjes së COVID-19.

Për të gjithë ata, që shprehin shqetësim për distancimin social në avion, ju informojmë dhe njëherë se gjatë transportit me avion, apo me autobus, për në strukturat karantinuese, janë përdorur kapacitetet maksimale të mjeteve transportuese, pasi të gjithë qytetarët e riatdhesuar karantinohen për 14 ditë.
Është e patolerueshme, fushata disinformuese për procesin e riatdhesimit dhe abuzimi me foto e video, që nuk i përkasin momentit të fluturimit. Bëjmë thirrje për seriozitet dhe përgjegjshmëri, pasi dizinformimi nuk ndihmon askënd në këtë situatë pandemie, përveç krijimit të panikut e konfuzionit, me dashje”, nënvizohet në deklaratë./ CNA.al