web counter
LEXO PA REKLAMA!

SHKARKO APP

App Store
Google Play

E fundit!

x

Riatdhesimi/ Qytetarët përballen me probleme: Mungojnë dhomat teke, të detyruar të paguajnë 4 bileta

17 Prill 2020, 14:53, Sociale CNA

Një numër i madh shqiptarësh pritet të riatdhesohen në ditët në vijim pasi kishin mbetur jashtë kufijve për shkak të situatës së krijuar nga koronavirusi.

Po këta shtetas përballen me probleme pasi sistemi i riatdhesimit nuk e ka parashikuar hipotezën që një emigrant dëshiron të kthehet i vetëm në atdhe.

Në hotelet e Durrësit, të cilat janë vënë në dispozicion të karantinës, janë zënë të gjitha dhomat teke e kështu, kush kthehet në Shqipëri vetëm, duhet të zejë një dhomë me katër shtretër, duke paguar 28 euro në ditë, e jo 7 euro.

Por problemi i vërtetë, që e kthen këtë problem në një gafë organizative, është se një emigrant duhet të blejë edhe katër bileta avioni, edhe kur udhëton i vetëm.

?Unë udhëtoj vetëm, dhomat teke, dyshe e treshe janë të gjitha të zëna, kështu që pranova të prenotoj një dhomë katërshe. Por, kur kalova tek faza e prenotimit të fluturimit online, sipas kërkesave të qeverisë, në sajtin e Air Albania-s më kërkojnë të blej 4 bileta, aq sa janë shtretërit e prenotuar. Telefonova në Air Albania dhe më konfirmuan se kjo është procedura dhe ata nuk mund të bëjnë asgjë: prenotova një dhomë katërshe, kështu që duhet të paguaj 4 bileta avioni?, tregon një emigrant që telefonon nga Roma.

Dhe, pyetjes se si mund të prenotohen 4 bileta kur personi që fluturon është vetëm një, kompania i përgjigjet: Shkruani të njëjtin emër katër herë.

Kjo gafë rrezikon t?u hapë rrugë edhe spekulimeve të tjera. Në fakt, hotelet marrin për çdo shtrat të prenotuar e të paguar nga qytetari një kompensim nga shteti për shpenzime ushqimi. Po kur në një dhomë katërshe fle një person i vetëm, sa vakte do të rimbursojë shteti?





Lajmet e fundit nga