E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

Ervin Salianji publikon kontratën/ "Oligarkët pranë Ramës heqin punonjësit nga puna që të paguhen nga qeveria"

14 Prill 2020, 18:05, Politikë CNA

Ish-deputeti i Partisë Demokratike Ervin Salianji ka publikuar ditën e sotme disa dokumenta me të cilat pretendon se vërteton paketa e propozuar nga kryeministri Edi Rama për ndihmën ekonomike të punonjësve në sektorin privat është skemë e propozuar, implementuar dhe imponuar nga oligarkët dhe bizneset afër qeverisë.

Salianji thotë se oligarkët kanë thurur një skemë perverse për t’i marrë paratë bizneseve të ndershme, duke hedhur në rrugë punonjësit sipas një skeme tashmë të qartë përfitimi.

“Gjatë këtij muaji kam pasur pafund denoncime nga punonjës të sektorit privat në inbox, ku kërkonin mendim nëse duhej të firmosnin një kontratë mes tyre dhe punëdhënësve për pezullimin e marrëdhënieve të punës, pezullimi nuk është i përcaktuar në Kodin e Punës dhe kompanitë nuk mund ti largojnë në mënyrë të njëanshme punonjësit. Kontrata që kanë firmosur mijëra punonjës është nje kontratë Tip që është shpërndarë nga drejtoria e punës për bizneset e mëdha militante të Rilindjes, pa diskutim dhe nga bizneset oligarke që e kanë propozuar si skemë. Kjo kontatë është e depozituar sot në institucionet shtetërore!

Skema skandaloze është e qartë; Rama del dhe kërcenon në publik me dhjetëra herë bizneset që heqin punëtorët e tyre nga listpagesat nderkohë që per oligarkët dhe bizneset afër Rilindjes propozon dhe ju dërgon këtë kontratë tip! Pasi oligarket firmosin për pezullimin e punetorëve të tyre nga puna; Rama propozon ndihmë për këta punonjës duke paguar me paratë e buxhetit të shtetit vetëm punonjesit e larguar nga oligarket! ?Paketa është konceptuar si një pagesë e vetme dhe përmbledh disa kategori: 66 mijë punonjës të larguar, pezulluar nga biznesi i madh?- tha Rama…. pezullimi është nje term i shpikur, ku e gjeti Rama?”, shkruan ai në rrjetet sociale.

Sipas ish-deputetit, bizneset e ndershme që i kanë mbajtur në punë do detyrohen t’i paguajnë nga xhepi i tyre ose nuk do i paguajnë punonjësit.

Ai thotë se nga 974.386 të punësuar në sektorin privat, ndihma do shkojë vetëm tek punonjësit që janë larguar sipas një skeme të përgatitur nga oligarkët.

Në një pjesë të kompanive oligarkike punonjësit janë në punë ndërkohë por kontraten e propozuar e kanë firmosur që të përfitojnë nga paketa që i kanë imponuar qeverisë! Rama nuk po punon për shëndetin dhe ekonominë e qytetarëve por për pushtetin personal dhe pasurimin e okigarkëve! Me këtë skemë bizneset e mëdha që funksionojnë ligjërisht dhe me konkurrencë të ndershme rriskojnë të falimentojnë jo vetëm nga mungesa e tregut dhe situata por dhe nga konkurrenca e pandershme.

Kjo skemë qartazi tenton të shpëtojë sipas një skeme të përcaktuar më parë oligarkët duke falimentuar bizneset e tjera duke i hapur rrugë zgjerimit të mëtejshëm të aktivitetit të peshkaqenëve afër qeverisë! Kjo është skemë kriminale që duhet hetuar imtësisht, skema favorizon të fortët, të paligjshmit. Paratë e më të dobtit që ka frikë ligjin dhe që respekton ligjin merren dhe dërgohen tek i forti që heq nga puna në mënyrë te paligjshme punonjësit e tij. Dokumentat janë tip dhe janë lehtesisht te gjendshme në drejtorinë e punës apo tatimeve. Emailet e kompanive dërguar punonjësve janë lehtësisht të aksesueshme, kompanitë që do përfitojnë janë lehtësisht të gjendshme”, nënvizon ai./ CNA.al