web counter
LEXO PA REKLAMA!

SHKARKO APP

App Store
Google Play

Shqipëria në 16 ditë karantinë/ Ja sa qytetarë u gjobitën për thyerje të rregullave

1 Prill 2020, 17:50, Aktualitet CNA

Nga periudha 16 deri më 31 mars, 1843 qytetarë, këmbësorë janë gjobitur pasi kanë shkelur orarin e kufizimit të lëvizjes, si masë e marrë nga qeveria për parandalimin e përhapjes së Covid-19.

Po ashtu janë gjobitur 183 lokale pasi nuk ju bindën urdhërit për t?u mbyllur.

41 qytetarë ju bllokua motori apo biçikleta,  14 u gjobitën se u kapën në parqe apo zona rekreative, 6 thyen karantinën dhe u gjobitën si dhe vetëm 1 hyri si familjar në urgjencën mjekesore gjë e cila nuk lejohet.

Shifrat u bën publike nga ministri i Brendshëm, Sandër Lleshaj, i cili apelon që qytetarët të qëndrojë në shtëpi që kombi ynë të  dalë fitimtar në këtë luftë.

“Qytetarët në shumicë dërrmuese i janë përgjigjur apelit për të qëndruar në shtëpi, si një masë e fortë për të parandaluar përhapjen e pandemisë COVID-19. Çdonjëri ka një rol të pazëvendësueshëm në këtë luftë me armikun e padukshëm ndaj ajo që sot kërkohet me forcë është: Qëndro në shtëpi, dil vetëm për nevojat më emergjente! Kështu ndihmojmë dhe shpërblejmë sakrificën e atyre mijëra burra e grave që janë në vijën e parë të frontit, duke rrezikuar shumë.

Këto janë të dhënat e shkeljeve nga 16 marsi, pa përfshirë masat administrative të Qarkullimit Rrugor:

1843 shtetas shkelën orarin e kufizuar të lëvizjes

14 lëvizje në parqe dhe zona të tjera

41 bllokim biçikleta, çiklomotorë motomjete

6 shkelje te rregullave te karantinimit

1 hyrja e familjarëve në ambientet e urgjencës mjekësore

183 subjekte tregtare për mosmbyllje të lokaleve”.

 





Lajmet e fundit nga