web counter
LEXO PA REKLAMA!

SHKARKO APP

App Store
Google Play

Kapen duke transportuar klandestinë/ Arrestohen dy të rinj në Korçë

5 Mars 2020, 17:00, Kronika CNA

Dy persona kanë rënë pasditen e sotme në prangat e policisë së Korçës, pasi u kapën duke transportuar gjashtë klandestinë.

Shtetasit me inicialet O.Sh., dhe M.A, në bashkëpunim me njëri-tjetrin, ishin nisur në drejtim të Tiranës, me mjetet tip “Ford Focus” dhe “Benz”, bashkë me gjashtë klandestinët të cilëve iu kishin premtuar kalimin drejt vendeve të BE-së, kundrejt pagesës.

?Kapen duke transportuar 6 emigrantë të paligjshëm, arrestohen në flagrancë 2 shtetas për veprën penale ?Ndihma për kalim të paligjshëm të kufijve, kryer në bashkëpunim?.

Në vijim të punës për goditjen e veprimtarisë kriminale në fushën e dhënies së ndihmës shtetasve të huaj, për kalim të paligjshëm të kufirit, strukturat e Drejtorisë Vendore të Policisë Korçë, goditën një rast tjetër, si rezultat i të cilit u bë kapja dhe arrestimi në flagrancë i shtetasve:

O. Sh., 25 vjeç, banues në Durrës.

M. A., 22 vjeç, banues në fshatin Shën Vlash, Durrës.

Arrestimi i tyre u bë pasi, këta shtetas u kapën nga shërbimet policore në rrugën Maliq-Lozhan, duke transportuar në bashkëpunim me njëri-tjetrin në drejtim të Tiranës, me mjetet tip “Ford Focus” dhe “Benz”, 6 shtetas të huaj, emigrantë të paligjshëm, të cilëve kundrejt fitimit, iu kishin premtuar kalimin drejt vendeve të BE-së.

Materialet në ngarkim të tyre i kaluan Prokurorisë pranë Gjykatës së Shkallës së Parë Korçë, për veprime të mëtejshme.?, thuhet në njoftimin e policisë./CNA.al





Lajmet e fundit nga