web counter
LEXO PA REKLAMA!

SHKARKO APP

App Store
Google Play

E fundit!

x

SPAK do marrë në hetim familjen Blushi?!

22 Shkurt 2020, 10:42, Politikë CNA

Në 16 shkurt 2020, CNA.al me dokumente ekskluzive ka treguar sesi ish-politikani Ben Blushi, ka përfituar një pronë në një nga zonat më të preferuara për biznes në Korçë, për një shumë prej vetëm 30 mijë euro.

Bëhet fjalë për një pronë me sipërfaqe 140 metër katëror, vlera e së cilës shkon në rreth 500 milionë lekë, por Blushi e ka blerë për vetëm 30 mijë euro. (Lexo këtu)

Gjithashtu ai ka përfituar edhe rreth 60 metër katëror garazhd, me një vlerë qesharake prej 5 milionë lekë të vjetra.

Të gjitha faktet të çojnë në dyshime për fshehje pasurie, skemë e cila zbulohet nga vetë vjehrri i tij.

CNA.al ka zbuluar se në krah të të njëjtit ambient, pronar është bërë edhe vjehrri i Ben Blushit, i ndjeri Abaz Brati.

Ky i fundit ka shkëmbyer një hyrje pallati 120 metër katëror  tek Stadiumi  ?Dinamo? në Tiranë, duke marrë një ambient biznesi në Korçë, me vlerë totale 250 mijë euro, i cili ka një sipërfaqe po 120 metër katëror.

Kjo njësi tregtare është në krah të ?Pub Republika?, pronës së Ben Blushit në Korçë. Por, ndërkohë që Blushi pretendon se ka blerë 140 metër katëror pronë për vetëm 30 mijë euro, vjehrri i tij ka marrë një pronë më të vogël, në të njëjtën zonë dhe në një periudhë të afërt kohore, për një shumë prej 250 mijë euro. (Lexo këtu)

Nga ana tjetër edhe Eva Blushi, bashkëshortja e Ben Blushit, është aksionere në kompaninë Em Capital Group, e themeluar nga pronarët e kompanisë së inceneratorëve në Bullgari.

Sikurse CNA.al e ka vërtetuar me dokumente ekskluzive zyrtare, e njëjta kompani, pra EM Capital Group, ku Eva Blushi zotëron 33% të aksioneve, ka blerë 51% të aksioneve të Valtelina Kafe, e cila mban emrin tregtar Lori Kafe dhe ka të njëjtët aksionerë me Top Channel. (Lexo këtu)

Pra, bashkëshortja e Ben Blushit, Eva Blushi, me profesion notere, njëkohësisht gëzon edhe aksione në disa kompani private.

Por, Eva Blushi ndërkohë është në kundërshtim edhe me ligjin për noterinë, i cili ia ndalon të ushtrojë aktivitet privat dhe publik. Për sa kohë mban liçensën e noteres, ligji ia ndalon ushtrimin e çdo lloj veprimtarie tjetër.

Eva Blushi me profesion notere bie në kundërshtim me ligjin ?Për Noterinë?, nr. 110/2018 pasi në nenin 19 të tij shkruhet, ushtrimi i funksionit të noterit nuk pajtohet me asnjë veprimtari tjetër publike dhe private me përjashtim të mësimdhënies dhe të veprimtarisë shkencore.

Megjithëse pretendohet se mund të mbash aksione, Eva Blushi ka qënë edhe administratore në një kompani, gjë që bën që ajo të humbë licensen e noteres. Por, nuk është ky problemi.

Problemi është sesa para ka paguar dhe ku i gjeti paratë për të blerë ?Lori Kafe?-në. Kompania ku Eva Blushi është ortake, ka blerë 51% të aksioneve të Valtelina shpk, ku sipas kontratës së shitjes, e siguruar nga CNA.al, shuma në total është 2.2 milion dollarë, nga të cilat janë paguar 1.5 milion dollarë, ndërsa diferenca e mbetur do të paguhej në një afat kohor prej gjashtë muajsh.

Familja Blushi duket se e gjitha do të shkojë në SPAK për pasuri vlera e të cilave fshihet, për kompani, ngritja e të cilave dhe pagesat e kryera janë thuajse totalisht të pajustifikuara dhe këto bëhen në mes të Tiranës, në mes të Korçës ditën për diell.

Nga ana tjetër Blushi përdor Top Channel dhe mediat e tij për qëllime klienteliste, shantazhe ndaj gjyqtarëve, prokurorëve etj.

Në një vend ku drejtësia funksionon sot Ben Blushi nuk duhej të ishte para SPAK, por pas prangave, duke dhënë lllogari së bashku me bashkëshorten e tij edhe për shumë nga bizneset e tjera të cilat janë vënë në emër të familjarëve të tyre të afërt./ CNA.al

Dosja e Blushit në SPAK/ Skandali me pronat në Tiranë dhe Korçë

Skandali/ Zbulohet skema e plotë, si pronarët e inceneratorëve paguan aksionerët e Top Channel

Ekskluzive-Zbulohet gazetari oligark që ia kalon edhe Alfred Pezës

Noterja në skandal/ Ortakëria me Vjollca Hoxhën dhe Klodët e inceneratorëve

Zbulohet biznesi i dytë i Ben Blushit me Vjollca Hoxhën

Noterja në skandal/ Zbulohen katër bizneset e bashkëshortes së Ben Blushit

Fotot/ Zbulohet prona 500 milionë e Ben Blushit

Detajet e reja/ Dokumentet që zbulojnë përqindjen e aksioneve të Ben Blushit me kompaninë e inceneratorëve

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Noterja në skandal/ Ortakëria me Vjollca Hoxhën dhe Klodët e inceneratorëve

Noterja në skandal/ Zbulohen katër bizneset e bashkëshortes së Ben Blushit





Lajmet e fundit nga