Politikë
Betimi i gjyqtarëve/ Manja i përgjigjet Metës: Donte të eklipsonte konferencën e donatorëve
Kryetari i Komisionit të Ligjeve Ulsi Manja i është përgjigjur paralajmërimit të presidentit Meta se do të kthejë ligjin për Gjykatën Kushtetuese që i heq betimin e gjyqtarëve,
Manja u shpreh se nëse kthen dekretin, shumica do ta rrëzojë në Kuvend.
“Në fakt unë jam njohur dje me deklaratën e Presidentit të Republikës dhe me erdhi keq që presidenti zgjodhi të bëjë një deklaratë të tillë në një ditë shumë të rëndësishme për shqiptarët. Dje ishte konferenca e donatoreve ku Shqipëria mori mbështetjen e miqve dhe partnerëve lidhur me fatkeqësinë natyrore të datës 26 nëntor dhe nuk me erdhi mirë që presidenti me një deklaratë të tillë në Tiranë kërkoi të eklipsonte një konferencë të jashtëzakonshme për shqiptarët”, tha Manja.
I pyetur nëse shumica i trembet një dekreti të Presidentit për shpërndarjen e parlamentit, Manja e cilësoi si absurde dhe tha se do ishte atentat ndaj kushtetutës.
“Lidhur me shpërndarjen e parlamentit nga ana e presidentit, edhe në këtë rast kushtetuta e ka bërë të qartë se në cilat raste shpërndahet parlamenti, është diçka absurde ta mendosh. Besoj do të ishte shkelja më e rëndë, atentati më i rëndë që mund t’i bëhet Kushtetutës së vendit”, tha Manja./CNA.al
Politikë
Inceneratorët e plehrave i mbyllin gojën Bashës
Sot në mesditë Partia Demokratike e ka cuar në SPAK dosjen Manastirliu-Beqja, në lidhje me kompaninë e Check Up. Akuza të përsëritura të opozitës ndaj këtij koncesioni.
Por, përballë kësaj qëndrojnë edhe denoncimëet dhe skandalet e publikuara së fundi në lidhje me kompaninë e koncesionit të inceneratorëve, denoncuar ditë pas dite tek CNA.al, për të cilat çuditërisht, Luli dhe opozita e Republikës së re kanë mbyllur gojën.
Është rasti i parë dhe më flagranti, që tregon lidhjen qeveri-oligarkë-media. Para nga taksat e shqiptarëve që paguajnë koncesionin e inceneratoravë. Më pas kompani me të njëjtët aksionerë, por këtë herë në Bullgari blejnë një nga kompanitë lider të kafesë në Shqipëri, e cila “rastësisht” ka të njëjtët aksionerë me Top Channel.
Por, megjithëse gjithçka është treguar me dokumenta, Republika e re e Lulzim Bashës ka heshtur. Askush nuk flet. Përjashto ish-kryeministrin Sali Berisha, i cili është i vetmi që denoncon.
Luli i kompleksuar dhe stafi i tij i përgjumur dhe deri diku të kapur nga koncesioni i inceneratorëve, Klodët apo Blushët, PD zyrtarisht hesht.
Jo vetëm që nuk ka asnjë reagim zyrtar, por me një skemë dhe një dosje të plotë që nuk do të kishte nevojë për asnjë hetim në prokurori, sepse gjithçka është e zbardhur, PD duhej të kishte kurajon qytetare ta çonte përpara SPAK-ut.
Në si media jemi në detyrën tonë dhe do të vazhdojmë të themi të vërtetën, por kur opozita ka dalë në Pazar për inceneratorë, apo “kafe Blushi”, i shijon më shumë sesa interesat e publikut, vështirë se ka shpresë që ajo të marrë besimin e qytetarëve.
Sa më shumë flasin mediat me të vërtetat e mëdha dhe sa më shumë hesht Luli, aq më shumë kuptojnë shqiptarët se kush është opozita si palë e qeverisë dhe korrupsionit të saj mediatik./ CNA.al
Ekskluzive dokumenti/Zbulohet ortakëria e Klodit të inceneratorëve me Ben Blushin
Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”
Noterja në skandal/ Zbulohen katër bizneset e bashkëshortes së Ben Blushit
Investigimi i CNA.al zbulon skandalin/ Skema e plotë e lidhjeve qeveri-media-oligarkë
Skema qeveri-koncesione-media/ Pse heshtin moralistët e antikorrupsionit, Lubonja, Bushati & co?
Fotot/ Zbulohet prona 500 milionë e Ben Blushit
Zbulohet biznesi i dytë i Ben Blushit me Vjollca Hoxhën
Noterja në skandal/ Ortakëria me Vjollca Hoxhën dhe Klodët e inceneratorëve
Noterja në skandal/ Ortakëria me Vjollca Hoxhën dhe Klodët e inceneratorëve
Politikë
“Shqipëria nuk e ka problem të marrë kredi”/ Shano shpjegon milionat e Francës
Eksperti i Ekonomisë, Dritan Shano, njëkohësisht anëtar i këshillit Kombëtar të PD-së tha se është për t’u vlerësuar fakti që një numër i madh vendet nën thirrjen e Komisionit Europian u mblodhën për të ndihmuar Shqipërinë.
Shano theksoi se kjo Konferencë Donatorësh ishte unike në llojin e saj sa i përket Shqipërisë pasi bëhet fjalë për të rindërtuar zonën më të rendësishme ekonomike të Shqipërisë që u dëmtua nga tërmeti.
“Ajo që pamë dje në Bruksel është se KE është në gjendje të gjeje mbështetje dhe solidarizim. Janë 94 vende që premtuan grante ose kredi për Shqipërinë. Nuk besoj që ka njeri dyshime që Komisioni është në gjendje të organizojë një konferenbcë donatorësh për t’iu përgjigjur një situatë si ajo pas tërmetit“, tha Shano.
Shano komentoi në studion e Abc News, edhe veprimin e Francës e cila ofroi më shumë para në formën e kredive të buta
Në lidhje me këtë, Shano tha se është një strategji e Francës për t’u fokusuar në Ballkanin Perëndimor.
“Franca dje ka bashkuar dy qasje të saj. Njëra lidhet me rindërtimin dhe rekuperimin e situatës në Durrës dhe Thumanë. Po ashtu ka shpërfaqur një pjesë të strategjisë së saj mbi rajonin. Franca ka një program të sajin për gjashtë vendet e Ballkanit me më shumë se 1 miliard euro. Ai 100 milionëshi nuk ka lidhje me rindërtimin. Është një projekt rajonal. Franca nuk e ka patur më parë këtë qasje ndaj Ballkanit, kjo ka ndryshuar me ardhjen e Presidentit Macron në zyrë. Ndoshta duan të balancojnë supremacinë e Gjermanisë.
Të marrësh 260 milion euro premtim në një konferencë nuk është gjë e vogël. Një pjesë e tyre janë harxhuar ndërkohë për të përballuar situatën e emergjencës pas tërmetit. Pjesa tjetër është kredi, e butë ose jo, ajo mbetet kredi“, u shpreh Shano duke shtuar se Shqipëria nuk e ka problem të marrë kredi. Madje, sipas tij së shpejti do të marrim 600 milion euro.
Politikë
Pas denoncimit të skandaleve/ Vjollca dhe Blushi i “vërsulen” CNA-së
Prej disa ditësh CNA.al ka vijuar të publikojë materiale të plota investigative, të cilat tregojnë lidhjen qeveri-oligarkë-media. Kjo nëpërmjet një aktiviteti inveneratorësh me qeverinë dhe më pas nëpërmjet një biznesi tjetër dhe media që bën propagandën për qeverinë.
Faktet flasin vetë. Mund t’i lexoni të gjitha në linqet më poshtë, që nga denoncimi i parë (lexo këtu), ku ne kemi nxjerrë kompaninë që ka krijuar bashkëshortja e Ben Blushit, drejtorit të Top Channel, me pronarët e ITS, kompanisë koncesionare të inceneratorëve në Shqipëri. Së bashku të tre themeluan një kompani, EM Capital Group AD, në Bullgari.
Më pas ne publikuam edhe dokumentet e tjera sesi EM Capital Group AD, pra sesi gruaja e Ben Blushit, dhe pronarët e inceneratorëve blinin Valtelina shpk, e cila mban emrin tregtar Lori Kafe. (Lexo këtu). Kompani e cila ka të njëjtët pronarë që ka edhe Top Channel.
Po ashtu CNA.al, ka zbuluar sesi Ben Blushi ka fituar prona me një vlerë të konsiderueshme, me një çmim qesharak. ( Lexo këtu).
Gjithashtu CNA.al, ka zbuluar me dokumente ekskluzive, ku tregohet sesi Eva Blushi, me profesion notere, në kundërshtim me ligjin, rezulton aksionere në katër biznese. ( Lexo këtu)
Por, pas këtyre denoncimeve, në tre ditët e fundit në mënyrë krejt “rastësore” nga Agjencia e lajmeve të CNA.al janë ndërprerë në mënyrë të njëanshme tre kontrata reklamash, jo sepse na mungon audienca, jo sepse jemi media e pabesueshme, jo se nuk kemi vëmendjen e publikut, jo se nuk invetigojmë, jo se gabojmë por se thamë të vërtetën.
Denoncuam lidhjen e Top Channel me qeverinë dhe koncesionarët.
Por, ne nuk do të na ndalin as sulmet në server as raportimet në rrjetet sociale, as heqja e reklamave dhe këtë e kanë provuar edhe shumë të tjerë pronarë mediash. Këtë e dinë shumë mirë edhe Blushi edhe Vjollca.
Ne do vazhdojmë të themi të vërtetën me fakte dhe dokumente ekskluzive të vërtetën që shqiptarët duhet ta dinë, sesi një televizion kombëtar përdoret për interesat e veta dhe jo interesat e publikut./ CNA.al
Ekskluzive dokumenti/Zbulohet ortakëria e Klodit të inceneratorëve me Ben Blushin
Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”
Noterja në skandal/ Zbulohen katër bizneset e bashkëshortes së Ben Blushit
Skema qeveri-koncesione-media/ Pse heshtin moralistët e antikorrupsionit, Lubonja, Bushati & co?
Investigimi i CNA.al zbulon skandalin/ Skema e plotë e lidhjeve qeveri-media-oligarkë
Fotot/ Zbulohet prona 500 milionë e Ben Blushit
Zbulohet biznesi i dytë i Ben Blushit me Vjollca Hoxhën
Noterja në skandal/ Ortakëria me Vjollca Hoxhën dhe Klodët e inceneratorëve
